كتبت: ماريا ألفي

قام الشاب "ياسر المناوهلي" بعمل أغنية وجهها للإعلام المصري، استنكارًا منه لتغطية الإعلام للأحداث المتتالية بدءًا من أحدث يناير، ماسبيرو، شارع محمد محمود، وأحداث مجلس الوزراء، وجاءت الأغنية تحت عنوان "قلة مندسة"

 

وتقول كلماتها

"أنا رحت أنضم في مرة لقلة مندسة

بالتهميش والظلم عمرها ما كانت حاسة

لقيت خلق كتيره طول مصر بناسها

بتوع يجي مليون وبيزيدوا لسه

يا عيني ع القلة..يا ليلي ع المندسة

فتشوني وأنا داخل بأيادي خارجية

أيادي متلطخه بالفول والطعمية

قلت في نفسي أكيد دي عجينة دولية

لمحت بنت بعيد ماشية بيافته في الميدان

يا ترى مكتوب بالفارسي وللا مترجماه في لبنان

تلاقي كاتبه عليها الحلوة دي من طهران..وللا هاشوف في إيديها ألوان علم إيران

قربت لقيت مصرية وكاتبه "إحنا ليه بتهان"

شاب بيعزف عود بأصابع خارجية

تلاقيه كاتب النوته في في أجندة دولية

قربت لاقيته بيعزف أغاني الشيخ "إمام"

ويردوا عليه "الشعب يريد إسقاط النظام"

بقي هي دي القلة آه يا عرة الإعلام

آه يا بوق النظام..يا ساقط ابتدائية..في اختراع أسمه قنوات فضائية

يعني مسمعتوش عن حاجة إسمها دش..وللا مزهقتوش من التضليل والغش

وبعد ده كله المذيع له وش..يا عم الإعلامي يابو الكلام الشفاف

طلعتك ع الشاشة توحي بالإسفاف

بطل بعقولنا كدب واستخفاف

 

"دي المنظمة فاسدة من ساسها لراسها"

الدم كان بيسل..وده جايب صورة النيل

خلى تليفزيونا فضيحة بالشخلايل

عايش بالأوهام يخيبك إعلام

ده الشعب يريد تطهير الإعلام

 

لسماع الأغنية على يوتيوب أنــقـــر هنـــا

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :