- والد محمد علي : نجلي ليس له أية أموال لدي القوات المسلحة
-والده: الخيراللي احنا فيه من الجيش
كتبت - أماني موسى
طلب والد الفنان الهارب محمد علي، الظهور مع الإعلامي أحمد موسى ببرنامج "على مسؤوليتي" المقدم عبر شاشة صدى البلد، للرد على الأكاذيب التي روجها ابنه عن مصر والجيش المصري.
قال علي عبد الخالق، بطل العالم سابقًا ومدير منتخبات قومية، أنا شخص لي تاريخ رياضي طويل، وسعيد أني كنت ضمن قوات الصاعقة بالجيش المصري ذات يوم.
وأضاف، كان عندي محلات بيع وتصنيع مجوهرات ثم انتقلت للعمل بالمقاولات ولي شركة مقاولات بأكتوبر، ولدي أولاد هم محمد خريج كلية تجارة، وإبراهيم ضابط بالقوات المسلحة، وأحمد، وعملت ليهم لكل واحد شركة، ولدينا صداقات تجمعنا بالقادة جيدة جدًا.
وتابع، محمد دخل في عالم البيزنس وعمل عدة مشاريع مع الجيش، وابني إبراهيم عمل مع الجيش في مشروع الفرافرة، ومات هو وزملاءه بالجيش حين الانتهاء من المشروع وعودتهم.
15 سنة نعمل مع القوات المسلحة ولم يؤخروا لنا أي مستحقات مالية
وأوضح أنهم من أصل فلاحين، واشتغل بالمقاولات مع الجيش وكانت سمعته طيلة 15 عام ممتازة، وكانوا يستعينون به في المشاريع الصعبة والضخمة، بنجاح وتفوق واحترام، مثل كنيسة أطفيح أعادوا بنائها في شهر ونصف الشهر.
فيلا في أسبانيا وقصر في الساحل بـ 35 مليون جنيه باعه لمحمد رمضان بـ 10 مليون
وتابع، قام محمد علي بتمثيل فيلم البر التاني من بطولته وإنتاجه، وكانت هناك مشاهد سيتم تصويرها في أسبانيا، وقام بشراء فيلا بأسبانيا لتكون استراحة للعائلة، ثم بدأ التردد على أسبانيا كثيرًا، ثم فوجئ بتغييرات في سلوكه لم تروق له، مثل الغلط في البلد وقادتها ودة مش سلو عيلتنا ولا طريقة كلامنا، وبدأ يشتكي من كل حاجة رغم أنه مش محتاج حاجة، وكان عنده قصر في الساحل بـ 35 مليون جنيه وباعه لمحمد رمضان بـ 10 مليون، وعنده قصر في الرحاب وقصر في مدينتي، مشددًا بقوله، النعمة اللي هو فيها دلوقتي من الجيش والعمل مع الجيش.
مش قادر أصدق التحول اللي حصل لابني غريب ومفاجئ وسريع
وبكي والده على الهواء لأجله، قائلاً: محمد كان غالي عليّ جدًا.. أنا مش قادر أصدق التحول اللي حصله دة، وإيه أسبابه؟ دة إحنا مثال للوطنية، مشيرًا إلى أن تحول ابنه كان مفاجئ وغريب وسريع وليس تدريجي.
إنتاج فيلم فاشل له بـ 27 مليون جنيه
وأكد أن ابنه قام بإنتاج فيلم البر التاني بـ 27 مليون جنيه، من ماله الخاص، ومجابش ولا جنيه، وأنه وبخه على هذا الفعل خاصة أن الفيلم لم ينجح، لكنه قال له يا بابا أنا شاب ودي رسالة عايز أعملها.
لافتًا إلى أن وزيرة الهجرة قدمت له كل التسهيلات لأجل إتمام الفيلم.
طلبت منه التراجع ومعرفش مين اللي وراه أو اللي حرضه
وتابع، اللي أنا شفته بالفيديو دة مش ابني اللي أعرفه، ولو هو.. أنا اتبرأ منه، واليوم كلمني وطلبت منه التراجع عما يفعله وأنه يضع وجهه أمام المدفع.
التعامل مع الجيش ممتاز ولا مرة أخروا فلوسنا
وأكد أنه وابنه لا يوجد لهم أي فلوس عند الجيش كما ذكر ابنه بالفيديو، وأن الأمور والعمل بينهما يسير بشكل جيد، ولا يوجد في مرة الجيش أجل مستحقاتنا، وكسبنا فوق المئات من الملايين.
أسطول من السيارات بينهم سيارة ميسي وقصور بمصر ودبي وأسبانيا
مستطردًا، محمد عنده قصور وعنده فيلا في مارينا وحمامات سباحة وشلالات على البحيرة ويخت بالإضافة إلى أسطول سيارات من البورش والفيراري واللمبورجيني، وقصور في الرحاب ومدينتي والقرنفل، وأسبانيا ودبي، ومبنى إداري بمصر، واشترى سيارة ميسي.
مضيفًا، لو أعرف مين اللي غرر بابني اقتله، لو أعرفه اقتله، واللي بيحصل دة مش ممكن ومش طبيعي، نفسي أعرف مين اللي ورا الموضوع دة.
وعاد ليؤكد مجددًا أن الجيش لم يؤخر أبدًا أي مستحقات مالية لنجله بل أنهم يقدمون الأموال قبل البدء بالمشروع، ففي مشروع إنشاء فندق تم تكليفه به، حصل على 260 مليون جنيه قبل البدء بالإنشاء.
ابني نسف تاريخ العيلة.. أنت كان ناقصك إيه؟
وأعرب عن استنكاره ودهشته من موقف ابنه، قائلاً: ليه سمعتنا المنورة تتحول بالشكل دة، ليه أنت ناقصك إيه؟ دة أنت كنت لما بتحب تصيف اشتريت قصر في دبي؟! التاريخ اللي أنا عملته اتدمر خلاص.
ياريت كان مات زي أخوه عايش في أمان وملايين وتطعن في البلد!!
وأضاف باكيًا، اطلب منه أن يرجع.. راح مني محمد خلاص، لو كان مات زي أخوه إبراهيم كان أرحم... معقول نقف ضد البلد اللي عملتنا؟ مين اللي حطك في وش المدفع قدام أشرف رجل بالعالم الرئيس السيسي؟ دة راجل عظيم ليه نطعن فيه؟ عايش في الأمان والفلوس وتطعن فيه وفي البلد؟
وأوضح أن علاقة جمعته بالهارب هشام عبد الله ومعتزك مطر، ومسؤول قطري وعده بإرسال طائرة خاصة تنقله من مصر!
