كتب - محرر الأقباط متحدون أ. م
قال الكاتب والباحث في شؤون الجماعات الإسلامية، أن الإخوان مؤمنين بهدم المجتمع.. يعنى مش تفاصل المجتمع وتبتعد عنه فقط، لا بل تستعلي عليه، ولا تساهم في بقائه.
وتابع فرغلي في تدوينة عبر حسابه بالفيسبوك، هذه الجماعة تؤمن بأنه مينفعش تخدم المجتمع بل تهدمه.. وظيفتك كمسلم هي تحطيم المجتمع، ولما تتعامل مع المجتمع يبقى تتعامل من أجل الدعوة.. طب والإصلاح؟.. لا لا دع المجتمع ينهار.
مستطردًا، وفيه ناس بتتعجب من إننا بنقول إن الإخوان عاوزه تهدم المجتمع.. ومش مصدقين إن أتباع الجماعة بيعملوا أي شيء لهدم الدولة.. عارف الإخوان بيقولوا إيه؟!.. بيقولوا إن الفساد أصل في المجتمع، وعشان كدا لازم نسيبه ينهار أو نخليه إحنا ينهار.. دا كلام سيد قطب.. وزي كلام الشيعة الإمامية، اللي بتقول إن الزمان يفسد بالكامل حتى يخرج المهدي.. ولما حد منهم بيجتهد في شغله بيكون دا لهدف الارتقاء في المجتمع من أجل خدمة الجماعة التي يطلقون عليها الدعوة.
مختتمًا، وعشان كدا الإخواني بيشكك في كل شيء بالمجتمع.. يشكك في أي نجاح.. وعشان كدا يحارب أي شخص ناجح.. وبدءًا من رئيس الدولة وحتى عامل النظافة الإخواني يريد هدمه.. لازم نفهم.. لازم نعرف عشان نفسر كل اللي بيحصل.
