كتبت - أماني موسى
نشر الإعلامي وائل الإبراشي، ببرنامج "كل يوم" المقدم عبر شاشة ON E" تسجيل صوتي للكاتب حسن نافعة وهو يقايض معد بقناة الجزيرة القطرية للظهور في فيلم تسجيلي يدعم تحركات الإخوان ودعوتهم للتظاهر، حيث عرض المعد مبلغ 5 آلاف جنيه، لكن نافعة رفض قائلاً" "يا بني أنا مش باخد أقل من ألف دولار"، وفي المكالمة الأخيرة قال لو عرفت تتفاوض لي معاهم على 15 ألف يبقى كويس أوي.
وقال المعد، تقدر حضرتك تكون موجود معانا؟
نافعة: فيلم تسجيلي عن إيه ولحساب مين؟
المعد: إحنا شركة إنتاج تدعم عدة قنوات منهم قناة الجزيرة، والفيلم عن مسار الدولة بعد 30 يونيو واللي أثار اعتراضات البعض.
نافعة: وأنتوا عايزين تصوروا أمتى والميزانية كم؟
وحين أخبره المعد أنه سيتم منحه 5 آلاف جنيه، رفض نافعة وأخبره أنه لا يتقاضى أقل من ألف دولار، وعاوده المعد بالاتصال أنه توصل إلى رقم 10 آلاف جنيه ، لكن نافعة رفض أيضًا وأكد له أنه لا يتقاضى أقل من ألف دولار، أنا مبفاصلش، أنا عملت قبل كدة مع الجزيرة كذا حاجة، لكن لو وصلت معاهم لـ 15 ألف أنا معنديش مانع.
