كتبت - أماني موسى
عرض الإعلامي رامي رضوان تسريبًا صوتيًا لمدير مكتب أيمن نور، مالك قناة الشرق، مع قيادي إخواني يدعى عبدالله الشريف، من أجل نشر الفوضى، وذلك خلال برنامج "مساء DMC"، الذي يُعرض على شاشة "DMC".
وقال مدير مكتب "نور" لعبدالله الشريف: "بقولك إيه د. أيمن مكلفني أظبط معاك كدة الأمور للفترة اللي جاية.
تحت أمرك أمرني.
- إحنا عاوزين نستغل النجاح اللي حصل الفترة اللي فاتت إن إحنا نشتغل أكتر على السوشيال ميديا، من هنا لغاية يوم الجمعة محتاجين إن إحنا نكون شغالين 24 ساعة، سواء الفيس بوك أو يوتيوب أو تويتر، سواء على الحسابات الرسمية الخاصة بيك أو الحسابات اللي إحنا اشترينها لك.
- يعني عايزيني أخش أكتب تويتات ولا عايزني أعمل حلقة على اليوتيوب.
- عاوزين نسخن الناس أكتر، عاوزين نعمل أكبر قدر من الحشد، عاوزين نولع الدنيا
وأضاف مدير مكتب أيمن نور، في التسريب الصوتي: "محدش عارف الفرصة دي ممكن تتكرر تاني ولا لا، عاوزين فيديوهات تدعي الناس إنها تشارك، المرة دي لا صابت أو خابت، عاوزين نشتغل على القصور الرئاسية عشان نهيج الناس، بس بلاش استراحة المعمورة عشان عمرو أديب حرقها خلاص، عاوزين نتكلم عن استراحة العلمين".
وتابع، عايزين نولع الدنيا والناس تسمع الكلام دة تولع فيه وفي الدنيا كلها، يبقى في حالة إحباط مالهاش مثيل، دي فرصتنا المرة دي".
