اسمعوا وافهموا يا ناس
في بلدنا فيه وسواس
خلى العقل محتاس
وخلى الدم ينداس
خلى الأطفال يتامى
ودبح الشباب زي الحمامة
والحريم أرامل حزانى
والتراب شبع دمانا
والحصرة في دمعة بكانا

أصل الحكاية فيه "طرف تالت"
وماتخفوش هانعرفوا ونجيبوا
وأهي سنة عدت وهانت
وهانبهدلوا ونعيبوا
طيب مين هو
اللي شغال علينا
من بره ولا من جوه؟
اللي سافك دم أهالينا

طول عمري أعرف أن 1+1=اتنين
في حكومتنا يبقوا تلاتة
في "إسكندرية" قالوا جيش فلسطين
وفي "ماسبيرو" قالوا منعرفش مين
بس مُصرين على الطرف التالت
اللي هايضيع حق الدم
خلى التهمة عنهم زالت
واحنا اللي شلنا الهم
يا نيابة المظلومين
والمحتاسين والمجنونين

يا سيادة النائب العام
عدا على دم الشهدا عام
تحب أضربلك تعظيم سلام
يا حضرة الوقر الهومام
يا اللي كلك كلام في كلام
قالوا نصبرهم بكلمتين
وهما ينسوا بعد يومين
أصلهم ميعرفوش
إن دمهم غالي وثمين
وماتفتكروش إن دي رسالتي
رسالتي عايزة دواوين

وطول ما أنا على حالتي
هافضل أكتب سنين
لا هاخاف منك ولا من النيابة
ولا من السجون ولا من الديابة
ولا من المجرمين اللي سفكوا دم الغلابة
هافضل أكتب هافضل أكتب وأقول
إن مهما الوقت يطول
لازم الحق يرجع للمظلومين..

كن في قلب الحدث... انقر هنا لتحميل شريط الأدوات الخاص بالموقع لتصلك الأخبار لحظة حدوثها

تابعونا على صفحتنا علي الفيسبوك
رابط دائم :