كتبت - أماني موسى
قالت الإعلامية الشابة أسما شريف منير، ابنة الفنان شريف منير، تعقيبًا على حالة الجدل التي أثيرت على تعليق لها بصفحتها الشخصية وصفت فيه بعض آراء الشيخ الراحل متولي الشعراوي بـ متطرفة، أنا مش مصدقة ومش مستوعبة اللي بيحصل.
وقالت خلال مداخلة هاتفية مع الإعلامي عمرو أديب، مقدم برنامج "الحكاية"، عبر شاشة "MBC مصر": "مش مصدقة اللي حصل، كنت تعبانة صحيًا ونفسيًا الفترة اللي فاتت، وقلت إني عاوزة أسمع لشيخ يقنعني ويبقى بسيط وأفهمه، ومعنى كلامي إني محتاجة أقرب من ربنا أكتر، ودي طريقتي مع الذين يتابعونني.
وأضافت، رشح لي أحدهم الإمام محمد الشعراوي: "عاوزة أموت نفسي إني قولت كده بجد، وكتبت إني كنت بشوفه مع جدي، ومكنتش بفهم حاجة، ولما كبرت شفت حاجات له فيها تطرف، ومش هقول الكلمة دي تاني، لحد ما أموت، قسمًا بالله قولت الجملة دي بمنتهى العفوية ومستحيل كنت أتخيل إن دي تبقى ردود الفعل أبدًا، أخبار كتير جدًا".
وأعربت عن حزنها البالغ لتعرض والدها للإساءة والسب من قبل الناس، وقاموا بعرض صور مهينة لي ولوالدي، وأنا مش مصدقة اللي بيحصل، وأنا قدمت اعتذار بسرعة، وعمري في حياتي ما أغلط في حد حتى لو حيوان.
وشددت باكية، أنا اتشمت شتايم أنا مش قادرة أستوعبها، وأعتقد أن لو الشيخ الشعراوي كان عايش كان أكيد سامحني مش هيرد بالعنف دة.
