محمود ابو اليزيد
(اولا في البدايه فعلا انت وحشتنا جدا جدا ووحشتنا حكمتك وحشنا الشعر اللي كنا بنسمعه منك ياسيدنا )
-سيدنا ؟؟؟
=اه يابني سيدنا وابونا كلنا مسلمين ومسيحين
وكلنا نفخر ان في يوم من الايام كان بيجلس علي كرسي الحكمه حكيم بهذا القدر من التواضع والمحبه للكل مش لولاده بس
(ثانيا انا بعتذرلك ياسيدنا ان في بعض الناس الجهل عماهم عن سيرتك وحياتك ومحبتك ورفضوا يلقبوك ب بابا العرب
بس ياسيدنا صدقني دول مش مننا ايوه مش مننا احنا اتعودنا ان كرسي مار مرقس من يجلس عليه هو بابا للمصريين كلهم مش بابا للمسيحيين بس لا
واحنا نفتخر جدا بكدا
نفتخر بأن كان في بلدنا راجل بحكمتك
رسالتي ليك ياللي بتعترض مهو مش هتعرف قيمه سيدنا
لانه مكنش شكاي مكنش بيجري علي الكونجرس في احلك الظروف ويقول مضطهدين زي اسيادكم مابيعملوا
الراجل ده في اصعب وقت وهو شايف ولاده بيموتوا قداموا كان بيجري علي الدير يصلي ويقول اتدخل يارب كانت معونته ربنا مش الغريب زي مابتعملوا يابني انت وهو. افهموا بقا اتعلموا من الناس دي يعني ايه وطن ويعني ايه وطنيه بدل مابتعلقوا تعليقاتكم السخيفه اقروا تاريخهم وتاريخكم وشوفوا دول مين شوفوا مين قال مصر ليست وطن نعيش فيه بل وطن يعيش فينا ومين قال هنفجر مصر
يابني انتوا عارفين بتتكلوا علي مين
ده اصلا لعلمكم في حياته كان راهب يعني مكنش بيجري ورا سلطه وحكم وارهاب زي اللي بتعملوه
ده كان بيدور ازاي يعبد ربنا بعيد عن العالم
يابني انت فاهم ومستو عب الراجل ده بعد ربنا حمي مصر من كام فتنه كانت بتحصل بسبب اتباعكم وكان شكوته لربنا مش للغريب
يابني انت وهو انزل اسأل اي مصري مسلم قبل مسيحي عن البابا شنوده واسألهم بتحبوه ولا لا شوفوا هيقولكم ايه شوف كلمه حكمه لو مجتش بعد اسمه بحق
يابني انت مستوعب ان فعلا المصريين كلهم كانوا بيحبوا الراجل ده اد ايه
يابني ده كان سفير لبلده قدام العالم
اقرا كدا جرايمكم واقروا محبته
اقرا عدد الارواح اللي هدمتوها بالكره والحقد اللي بتزرعوه وشوف كام انسان كسبه بسبب محبته
يابني انتوا لسه مغيبين ومش فاهمين يعني ايه وطن وبلد وان الانسان يبقا سفير لبلده وان الانسان يبقا وطني بجد
متزعلش منهم ياسيدنا احنا كلنا بنحبك صوتك في بيتي هتفضل منوره جنب الامام الشعراوي يامن كنتم مصابيح لبلادنا
واحنا فرحانين اوي ان اسم الفيلم هيبقا بابا العرب وده فخر للجميع ان تكون بابا للعرب بحكمتك بمحبتك بروحك البريئه كالاطفال
بجد بشكر كل واحد شارك او بيشارك في العمل وسيروا علي بركه الله ربنا يوفقكم
واوعوا تففتكروا ان دول مننا دول لا
انا مسلم اه بس هبقا اول واحد بتفرج علي سيره راجل علمنا يعني اي وطن يعني اي محبه يعني اي بناء الانسان
يعني اي الشكوه لله
يعني ايه واي واي لو فضلت اعد جمايلكم مش هيكفيني كتب بس اللي احب اقوله للكل احنا فخورين ان البابا شنوده يلقب ب بابا العرب وان الراجل ده كان في ارضنا وكان علي راس الكنيسه المصريه اكبر كنيسه في الشرق الاوسط
وكان حكمته تكمل حكمه ذلك الكرسي الذي لم يخلوا من الحكماء
متزعلش من ولادك ياسيدنا احنا بنحبك جدا وفخورين بيك وياريت ميبقاش اسمك في شارع او فيلم عايزين اسمك ينور علي اكبر الميادين
متزعلوش لو قالوا الكلام ده
علي سيدنا وقالوا انهم مننا لا مش مننا
احنا المسلمين بنحب البابا شنوده جدا
وكنا بنستني عظاته عشان نسمع حكمته للجميع وشعره وضحكته البريئه
وحشتنا اوي ياسيدنا وفرحانين ان في حد هيعمل دورك في فيلم لينا كلنا
وعشمانين ان فعلا يبقا الفيلم بحجم قداسه البابا شنوده الثالث بابا المصريين وبابا العرب وبابا الكنيسه القبطيه الارثوذكسيه الراحل )
نقلا عن الفيسبوك
