كتب - ايهاب رشدى
قال الدكتور مجدى اسحق استاذ المشورة و الارشاد النفسي ، أن الزعل ( الحزن ) يسبب الموت سواء الموت البطئ أو الموت المفاجئ .
وقال أستاذ الارشاد النفسى أن الموت سر ، لا أحد يعرف أسبابه بالظبط ، و لا حتي امهر الدكاترة.. فهو سر في يد الخالق ، مانح الحياة ، ولكن المؤكد أن الزعل بيموت ، لأنه مرتبط بهرمونات الحزن، الكورتيزول و الأدرينالين، الذين ينسكبوا في الدم بكميات مهولة ، فيرتفع الضغط ، و يتضاعف السكر ، ويحدث اختلال في ضربات القلب، و ضيق في الشرايين؛ ثم يتبعها مباشرة نزيف في المخ أو انسداد في شرايين القلب ، و ضعف حاد في عضلة القلب و هبوط رهيب في الدورة الدموية ..
وأكد الدكتور مجدى اسحق أن العامل النفسي هو المتهم الأول فى حالات الوفاة ، وأن له ٣ أسباب رئيسية أولها " فقدان القوة علي حل المشاكل و الاحساس بالإحباط و القهر " Loss of power and frustration وثانيها " فقدان الامل " Loss of hope وثالثهم فقدان القدرة علي التحكم في مشاعر الحزن Loss of depression control.. Overwhelming emtion
وتابع بأن هذا ما يفسر أن هناك ناس (و دايما اللي عندهم حساسية عالية ) ، و اللي شايلين الزعل علي قلوبهم، بيمرضوا و يموتوا مبكرا ، فالزعل بيدمر حرفيا، و طاقته المرعبة بتقطع نياط القلب (الحبال اللي رابطة العضلات) ، و ده بيسموه متلازمة القلب المكسورBroken heart syndrome
ونصح أستاذ المشورة قائلا " اوعي تسيب حد زعلان ، انت كده بتقتله.. اسمعه و طيب خاطره، لمسة حب علي حضن دافي ممكن تنقذ حياته " وأضاف " وانت أوعي تسيب نفسك للحزن ، فضفض باللي جواك لحد بيحبك، و افتح قلبك بالصلاة لربنا اللي بيسمع الكل ..قول للمجروح : سلامة قلبك ، سلامة نفسك، كلنا جنبك ..
