"سلامة": تجمع الشباب حول الفتاتين لم يكن عاديا
كشف سلامة أحمد سلامة، الشاب الذي أنقذ "فتاة المنصورة" من التحرش، تفاصيل إنقاذه هو وأصدقائه للفتاة، قائلا إنه كان يسهر مع أصدقائه في منطقة "المشاية"، وفوجئ بتجمع عدد كبير من الشباب حول فتاتين، موضحًا أن "تجمع الشباب لم يكن عاديا".
وأضاف "سلامة"، خلال مداخلة هاتفية في برنامج "يحدث في مصر"، مع الإعلامي شريف عامر، المذاع عبر فضائية "MBC مصر": "الشباب زقوا البنتين وزنقوهم في الجدار، وإحنا واقفين مفيش حد دافع عن الفتاتين، حاولنا نخش علشان نحوش عنهم محدش رضي يوسع لنا، قلعنا الأحزمة وقعدنا نضرب ونزق فيهم لحد ما البنتين مشيوا".
وتابع: "لما البنتين مشيوا برضوا الشباب جريوا وراهم، لحد ما واحدة راحت على محل موبيلات، المحل خرجها وخاف على الحاجة اللي عنده، دخلت بوابة العمارة اللي فيه محل الموبيلات، وقفنا معاها لحد ما ركبناها عربية كانت واقفة، لأنه صعب علينا المنظر ومش يرضي ربنا ولا يرضي حد يكون اتربى تربية كويسة، يشوف المنظر ده ويسكت".
وحصلت "الوطن" على تفاصيل التحريات والتحقيقات التي جرت بمعرفة الأجهزة الأمنية والقضائية في واقعة التحرش الجماعي بـ"فتاة" المنصورة، وذكرت التحريات والتحقيقات أن الفتاة طالبة في جامعة المنصورة، وأن وراء الواقعة 7 متهمين، بينهم 4 طلاب.
