أمجد النجار
نار الغربه ومين فينا مدقهااش.
نار الغربه ومين فينا معشهااش.
بيحسدوك عليها وبيتمنوا يكونو ا مكانك فيها.. كل حلمهم ركوب الطياره..
وختم الفيزا والكام ورقه من السفاره كل حسباتهم  ماديه.

واي شيء صعب تحكيه بالنسبالهم كلها امور عاديه عندهم حق معزورين اصلهم مجربوش يشتغلوا سنتين علشان بس يسددوا الدين مجربوش دموع العيد دموع بتنزل بس علشان احساسك بالغربه وانت ع الاهل بعيد  ومجربوش احساس انه حد عزيز عليك يفارق الحياه..

مجربوش احساس  التمني..
انك كان نفسك بس تكون معاه..
عارف يعني ايه امك تكون مريضه وتسهر طول الليل عليها خايف علشان عن عينيك بعيده..

اصلها مش جنبك علشان تبقي مطمن بعنيك وشايف.
بتعرف اخبارهم برساله  اجابتهم دايما كلنا بخير وفجاه يقولولك تعاله. اصل المتغرب  مبيعرفهوش حاجه وهو عايش فغربته بجسده.
 بس روحه للاهل والله دايما محتاجه الكل شايف وواخد بالشكل والمظاهر محدش شاف فعنيك الحنين وانت طول الليل ساهر.
الغربه والله عمرها مكانت للشباب الا تربه.