اللى بيلوم على التوقيت اسوا من اللى بيدعم حجب الانترنت حجب اى موقع على الانترنت انا باعتبره حجب للانترنت كلها وتدخل مقيت شمولى ظلامى فى الانترنت اللى اول مبادئها الحرية .. اللى بيلوم على التوقيت زى اللى بيقول نقطع الايدين بس مش دلوقت بعد سنة مثلا .. اللى رافض الحجب ورافض الحدود يقولها صراحة وبجرأة زى ما باعمل مش يقول لى التوقيت .. ما دام بيتكلم عن التوقيت يبقى موافق على فكرة الحجب والحدود

 

زى مانتى عايزة تحجبى المواقع الاباحية .. مين بقى يحجب لنا حسان وابو الفتوح وابو اسماعيل وقنواتهم السلفية وتصريحاتهم الدينية العنصرية .. انا مسلمة ومش عايزة اسمعها ... هتقولى لى ما تسمعيهاش .. هاقولك : يبقى المواقع الاباحية بتروحى لها ليه ما... تشوفهاش .. مش مكسوفة وانتى عايزة مصر تتصنف باللون الاسود من اعداء الانترنت زى السعودية وايران والخليج والدول الشمولية .. امال كنتم بتنادوا ليه بالحرية .. ما تقولى ليش الحرية لها حدود . انتم مش عايزين تشوفوا مواقع اباحية ما تشوفوهاش هو حد ضربكم على ايدكم .. اقولك بيعوا الكمبيوترات وعيشوا مع الرقابة التفزيونية .. الرقابة على الانترنت مرفوضة تماما

 

انتى عايزة تحجبيها اقولك ليه .. عشان سوق البنات فى مصر والجواز فى مصر راكد وعشان الممثلات الاجنبيات اللى بيشوفهم ما بيبصش للصنف المحلى .. جبتهالك على بلاطة اهو ............. ما دام عايزة تحجبى وتمنعى احجبى لى السلفيين والاخوان لانهم بيشتموا الشيعة والصوفية والعلمانية والمسيحية وبيحرضوا على الكراهية والاجرام