كتبت – أماني موسى
تساءل أحدهم في الاجتماع الأسبوعي للقمص مكاري يونان بالكنيسة المرقسية بكلوت بك بالقاهرة، عن شرعية الزواج العرفي؟ وهل هو حرام أم حلال؟
وأجاب القمص مكاري يونان: يعني إيه زواج عرفي؟ واحد اتقابل مع بنت في جنينة وخدها من إيدها وتعالي هنكتب ورقة ونتجوز.
مشددًا دي عيشة في الحرام، دة كلام صعب، مين اللي بارككم؟ مين اللي وحدكم في واحد كما يحدث في سر الزيجة بالكنيسة القبطية؟ دة كدة زنا.
وتابع، الزواج في المسيحية الرب أخذ ضلع من آدم وصنع حوا، والزواج توحيد لأدم وحواء، لكن يعني إيه جواز عرفي؟ دة جواز خارج الكنيسة، ومحدش يقدم على الجواز العرفي إلا إذا كان بعيد عن المسيح وحياته ممتلئة بالشر.
