كتب - أحمد المختار
ذكر الكاتب و المفكر " إسلام بحيري " أن مقدمي البرامج التلفزيونية ، باستضافتهم لمطربي المهرجانات ، يشاركون في جريمة نشر القبح و طمس معالم الجمال ، التي أصبحت قليلة في المجتمع .
و كتب " بحيري " عبر حسابه الشخصي علي موقع التواصل الاجتماعي " فيسبوك " قائلاً : " طيب أنا مضطر أكتب البوست ده
لأني بعتقد إن ده واجب أي حد له دور بنسبة ما في المجال العام ، الأصدقاء و الإعلام و الناس و النخب اللي مهللة و بتشارك و بتنشر و تستضيف ما يسمى أغاني المهرجانات ، بوضوح انتم بتقضوا على كل شيء جميل باقي في المجتمع ده اللي هو أصلاً الجمال فيه قليل جداً " .
و تابع " بحيري " : " انتم بتخلقوا بإيديكم أكبر جريمة في حق حياتكم و أصحابكم و حبيباتكم و أولادكم و أجيال كتيرة جاية ، أنتم حرفيا بتنشروا القبح و القذارة و الحقارة و الوضاعة و السفالة و الدناءة و الفحش في هذا العالم ، و مترجعوش تعيطوا من ضياع الأخلاق والعنف في الشارع و التحرش الجنسي و الاغتصاب و المخدرات و البلطجة ، و افتكروا إن انتم اللي خلقتوا كل ده " .
و اختتم : " انتم بتسمموا المجال العام ، فبلاش تزعلوا لأن طباخ السم بيدوقه " .
