القمص مكاري يونان: لما نحب ربنا كل شيء يهون وأولهم محبة المال

تساءلت أحدهم، زوجي يعاني ماديًا ولا يوجد دخل ثابت له، ويعطي عشوره في الشهر الذي يتحصل فيه على مبلغ مناسب، ويمتنع عن تقديم عشوره في أيام لا يتحصل فيها على المال.. هل دة حرام ويأثر على رزقه؟

 

من جانبه قال القمص مكاري يونان، كاهن الكنيسة المرقسية بكلوت بك، إحنا يا بنتي معندناش حلال وحرام، ولا ربنا ماسك لنا ورقة وقلم يقولك أنت كسبت عشرة جنيه تدفع منهم جنيه، إحنا عندنا حب، ربنا بيحبنا وإحنا نحبه، ربنا مش هايستفيد حاجة من عشورنا لكن قال للشعب القديم هاتوا العشور وجربوني، واللي بيدفع العشور بينتظر البركة.

 

وتابع في اجتماعه الأسبوعي، العشور علامة حب، لما أحب ربنا ولما ارتبط به ويملك على قلبي وحياتي هديله كل حاجة مش العشور بس.

وشدد بقوله:  لما نحب ربنا كل شيء يهون وأولهم محبة المال، وحينها سأعطي على أد ما أقدر لأني حبيت ربنا، ومحبة المال خرجت من قلبي، واللي بيخلي الناس تقاضي بعض في المحاكم ويقتلوا بعض لأن محبتهم غريبة وليست من الله، فمحبة الله أصل كل الشرور.

وأختتم الإجابة، قبل أن أعطي المال، أعطي قلبي لربنا، إلهنا طيب وحنين مش واقف يحاسبنا بالجنيه.