وصف عمر علاء مبارك، حفيد الرئيس الأسبق محمد حسنى مبارك، يوم تشييع جثمان جده بكلمات عبر صفحته على موقع "فيس بوك".
وقال الحفيد الأكبر للرئيس الأسبق محمد حسنى مبارك: "مصر كلها تمطر يوم وفاتك كأن سماءها بتعيط عليك والجامعات والمدارس كلها إجازة كأنها أعلنت الحداد عليك، وتموت فى أول يوم من أيام رجب كأن ربنا بيفيض من فضله وكرمه عليك، ووفاتك بعد أسبوع واحد من براءة أولادك اللى كانوا بيبروك وبيعطفوا عليك".
وواصل حفيد حسنى مبارك: "تموت موتة كريمة على سريرك لا مسجون ولا مقتول ولا معتدى عليك، وربنا طول عمرك لحد ما تشوف بلدك قوية وعفية وكل أعدائك فى السجون اللى تآمروا عليك، وفجأة ملايين المصريين يحزنوا ويِرثوك ويدعولك بالخير ويترحموا عليكو، ويتعملك حداد رسمى وجنازة عسكرية وكبار القادة والوفود يصلوا عليك".
