وجهت الفنانة حلا شيحة رسالة إلى السيدات عبر حسابها الشخصي بموقع التواصل الاجتماعى إنستجرام.
ونشرت الفنانة حلا شيحة صورة لها وعلقت قائلة: "الست قوية فعلا .. قوتها في طيبة قلبها وحنيتها ... سر قوتها في ضعفها احيانًا و جمالها في بساطتها ،الست فعلًا قوية لانها مخلوقة بفطرتها أم تمتلك ملَكة خاصة مش موجودة عند الرجل ،قدرة لتحمل ظروف الحياة وصعوبتها مع تربية أولادها واهتمامها ببتها و جوزها ،الست قوية فعلًا علشان ربنا خلقها جميلة بكل تفاصيلها ، الست القوية لازم تتأكد انها قوية لان جواها سر الحياة كلها ، بتبني و بتربي و بتكبر و في أيدها تزرع كل الخير و السعادة و تطلع أولاد يكبروا يكملوا طريق الحياة لحياة أفضلالست قوتها في أنوثتها و هدوئها و ابتسامتها و ثقتها في نفسها كوني دايمًا قوية تعرفي قيمة وجودك و نفسك أنتي غالية و عالية".
وتابعت: "أوعي تقللي من نفسك و لا من مشاعرك ولا طيبة قلبك ولو حتي حبيتي إنسان مقدرش ده فيكي سيبيه فورًا و متخليش طاقته السلبية تأثر فيكي أو تفقدك ثقتك في نفسك ، الست القوية دي كل واحدة فينا جوانا كوني قوية علشان نفسك و حبايبك اللي محتاجينك ♥️❤️💘🌹🥰🌷 لكل ست عربية اُكِن لكي كل الاحترام و التقدير و اعرف ان كثير من السيدات يعانوا من صعوبات الحياة افتكروا دايما انتن الأجمل و الأقوي 💝".
