كتب – محرر الاقباط متحدون ر.ص 

 
قال الكاتب الصحفي مؤمن سلام، ان دار الإفتاء المصرية استطلعت هلال يوم القيامة وشافت أنها قربت خلاص وأنا شخصيا أؤيد ده وأطالب الناس بالتوبة فوراً."
 
وتابع "سلام"، عبر حسابه على موقع التواصل الاجتماعي "فيسبوك"،:" يعني العالم اللي قاعدة في إيجار قديم تسيبه عشان دي عقود باطله وحرام وأكل سحت."
 
مضيفا :" يعني الناس اللي بتعتقل وتعذب وبتكمم الأفواه وبتزور الانتخابات وسارقه فلوس المصريين تتوب كده وترجع السلطة للشعب."
 
وواصل :" يعني رجال الدين يبطلوا كدب ونفاق وتدليس ويبطلوا يقولوا أن القيامة قربت."
 
ولفت :" وقبل ما أنسى أهم حاجة، كل اللي أخد مني كُتب يرجعها قبل ما ربنا يولع فيه مع رجال الدين والسياسيين والمُستأجرين."
 
واختتم :" يالا بسرعوا هاتوا اللي عليكم، ولو حد قالي طيب هات اللي عليك أنت كمان أحب أقوله قابلني يوم القيامة العصر."