هاجمت الفنانة داليا مصطفى، عددا من زملائها داخل الوسط الفني إثر إطلاقهم تصريحات إعلامية تنم عن عدم ثقافة ووعي منهم، بحسب قولها.
وكتبت "داليا" عبر صفحتها الشخصية بموقع "فيسبوك" قائلة: "مش عارفة أقول إيه وأبدأ إزاي، بس فعلاً فيه بعض الممثلين الزملاء وهما ممكن يكونوا هايلين جداً جداً في شغلهم، لكن الأفضل ليهم ولينا إحنا لأننا نصنف على أن كلنا واحد إنهم ميتكلموش خالص في أي برنامج، لأنهم بيفضحونا فعلاً، لا ثقافة ولا وعي على أنهم بيسجلوا مع مذيع ولا صحفي".
وأضافت "مصطفى"، "الأكبر والأقوى من كدة إن ليهم معجبين كتير، ولأنهم وده اللي مش قادرين يستوعبوه، قدوة لناس كتير أوي، وأي كلمة مش مظبوطة أنت أو أنتي بتعتبروها هزار وخفة دم، هي الصراحة شيء سخيف، وأنت حضرتك بتهدم جيل بأسلوبك الركيك، ومعني ركيك مش رقيق يعني أسلوب متواضع في اللغة، وعيب على حضرتكِ أو حضرتك كفنان يصدر من لسانك مثل هذه الألفاظ، ارحمونا شكلنا بقى وحش أوي".
وتابعت: "على فكرة فيه نجم عظيم بمعني الكلمة، لكن عمره ما طلع في أي برنامج أو مقابلة عابرة، لأنه عارف كويس أوي إنه مش بيعرف يتكلم كويس، وعادي يعني الراجل عايش وكلنا بنحبه ونموت ونتصور معاه، ارحمونا بقي".
