كتب - أحمد المختار
أشادت " نرمين فودة " احدي رواد مواقع التواصل الاجتماعي ، بما تتخذه الدولة المصرية من إجراءات و تدابير وقائية ، للحد من انتشار وباء فيروس " كورونا " المُستجد .
و نشرت " نرمين " علي حسابها الشخصي في موقع التواصل الاجتماعي " فيسبوك " قائلةً : " ده اللي حصل فى مطار القاهرة الدولي يوم 15 مارس 2020 ، اللي عارفني عارف إني مش بتاعة كتابة علي الفيسبوك بس المرة دي حقيقي مش قادرة ماكتبش " .
و تابعت : " بقالي شهر برا مصر و دخلت كذا بلد في أوروبا و طبعاً وسط قلق الكورونا و ذعر الناس ، المتوقع إنه يكون في قلق في المطارات و رقابة علي اللي داخلين و خارجين في البلاد المتقدمة الجامدة دي ، بس الصدمة الكبيرة إني دخلت و خرجت من سويسرا و النمسا و البرتغال و ... ، ولا في أي حاجة ولا حد حتى كلف خاطره يقيس حرارة أو يسأل الناس جايين منين ولا حاسين بأي تعب حتى و مفيش أي اهتمام أو تعقيم للمطارات !!! " .
و أضافت : " امبارح بقا 15 مارس 2020 ، رجعت مصر وهالني ما رأيت أول ما ركبت طيارة مصر للطيران من " چينيڤ " ، وزعوا علينا ورقة من وزارة الصحة المصرية فيها أسئلة لازم و إجباري نملؤها :" كنت فين آخر أسبوعين / هل أشعر بأي أعراض ؟ / رقم الكرسي علي الطيارة / عنواني بالتفصيل في مصر / تليفوني / و رقم خط ساخن علشان لو حسيت بأي تعب " .
و أكلمت : " لما وصلت مطار القاهرة بقا : الحجر الصحي واقفين بمنتهي الجدية و الحرفية و الاحترام ، بيقيسوا الحرارة لكل الناس اللي بتوصل و اللي بيشكوا فيه بيكملوا معاه إجراءات تانية ، ده غير الناس اللي ماشية ترش و تطهر الأرض و الحيطان و حتى سير الشنط " .
و أكدت : " بجد مصر بتتعامل بمنتهي الحرفية ، و أنا فعلاً مبهورة ، و بقول للناس اللي بتشير حاجات مش معروفة المصدر ، انتوا من غير ما تحسوا بتضروا البلد !! " .
