كتب – محرر الاقباط متحدون ر.ص
قال الكاتب عمر طاهر، إن فيه ناس تخاف من تحمل مسئولية قرار إنها ماتنزلش تصلي .. تخاف من فكرة إنها بنفسها قررت تتجاهل فرض الصلاة .. أكتر من خوفها من أي فيروس."
وتابع عبر حسابه على موقع التواصل الاجتماعي "فيسبوك"، الدين اللي بقاله سنين بيتقدم من منطقة الخوف و العقاب و إن ربنا واقف لك على الواحدة .. هو النسخة اللي مترسخة عند ناس كتير ."
واستطرد :" و فيه ناس نازلة تصلي و في يقينها إن فيروس كورونا مش هيعذبها أكتر من عذاب ربنا لو مانزلتش تصلي... وإنها ما هي بتنزل تروح شغلها جت على ربع ساعة بتاعت الصلاة؟."
مضيفا :"مافيش حل غير إن الدولة احتراما لمشاعر الناس دي تعفيها من تحمل مسئولية قرار زي ده .. فالناس ترتاح و تتطمن لما تحس إنه مش قرارها."
واختتم :"و لما ربنا ينجينا إن شاء الله نبقى نفهم الناس إن التفكير في ربنا بالطريقة دي فيه سوء أدب مع الله."
