دعا الإعلامي خالد حبيب، مربي الحيوانات إلى عدم إلقاءهم بالشارع تصديقًا لشائعة نقل فيروس كورونا المستجد، مؤكدًا أن منظمة الصحة العالمية أكدت أن الكلاب والقطط لا تنقل فيروس كورونا.
وقال حبيب في تدوينة عبر حسابه بالفيسبوك، اللي أسوأ من الكورونا غياب الرحمة، مستطردًا: عشت حياتي ماليش في التعامل مع اي حيوان.. و بعدين اكتشفت القطط.. وبعدين اكتشفت الكلاب.. ومعاهم اكتشفت اني عشت عمر بحاله من غير أرقى انواع الحنيّة و النقاء.
وتابع، النهارده حياتي بتتلوّن بكل ألوان الرحمة والسكينة.. كل ثانية باقضيها مع العصافير والكلاب والقطط بتاخدني في كون نضيف.. وكل حاجة حلوة باعملها ليهم ما تساويش حاجة قدّام الإحساس الجميل اللي باخده منهم.
مستنكرًا قيام البعض بالتهلي عن حيواناتهم الأليفة، قائلاً: النهارده قاعد باقرأ أخبار رديئة عن ناس المفروض متعلمة، بتتخلّص من الكلاب والقطط اللي عندها عشان خايفة من خطر انتقال الكورونا.. و اللي لازم يعرفوه انهم بيعرّضوا نفسهم للي أسوأ و اخطر من الكورونا.. كده بيتحولوا رسمي لكائنات من اقل الدرجات؛ اللي هي صفر إنسانية و صفر معرفة و صفر تفكير.
وأختتم بقوله، أخطر وسيلة نقل الفيروسات هي النفوس المظلمة.. محدش يتخلى عن ارقى الكائنات.. متمسك بإنسانيتي.
