كتب – أحمد المختار
كشفت الدكتورة " إيمان بيبرس " الطبيبة بالحجر الصحي في فندق " المريديان " القريب من مطار القاهرة الدولي ، أن المواطنين المصريين العائدون من لندن ، يتعاملون بمنتهي التكبر و الاستعلاء و الهمجية ، مع أطباء وزارة الصحة ، و يرفضون الانصياع للتعليمات .
و كتبت الطبيبة " إيمان بيبرس " عبر حسابها الشخصي علي موقع التواصل الاجتماعي " فيسبوك " : " قنبلة .. محرررتكم من الحجر وعدتكم بقنبلة ، نظرت من الشباك لقيت تجمهر من بعض النزلاء معنا و اللي راجعين من انجلترا ، و قررت أعرف ما يحدث " .
و تابعت : " إيه بقي مجموعة من بعض المسافرين ، قرروا و عاوزين يتركوا الفندق ن و مش موافقين علي فكرة الحجر ، و عاوزين كمان التعهد و تهديد و وعيد و كدهون ، و شباب صغير يشرح لهم يا جماعة بجد ماحدش هايدفع " .
و أكدت : " و في خلال أقل من عشر دقايق حوالي الساعة ٣:٣٠ ، في حد من وزارة الصحة جيه يتكلم مع النزلاء بمنتهى الأدب ، دكتوره محترمه جدا و شرحتلهم اهمية الحجر و ان دي تعليمات الwho " .
و أكملت : " رد فعل بعض النزلاء (مش كل النزلاء) مكانش لطيف و هجوم و زعيق ، و حصل تجمهر قدام الممثلة لوزارة الصحة تقريبا عملوا حواليها ديره ، و طالبوها بالإقرار اللي مضوه ، مع ان الممثلة قالت لهم محدش هيدفع حاجة ، و اكدت كذا مره و تقريبا حلفت بالطلاق " .
و أضافت : " ده غير ان كان في ناس منهم بشنطهم عايزين يمشوا ، الحقيقة الوضع غريب جداً ، يعني المسؤولة قالت محدش هيدفع و بيحاولوا يسيطروا على الموقف ، و الناس مُصرة تزعق ، دلوقتي النزلاء مقسومين نصين ، نص ملتزم بالعزل و النص التاني مصر على انه يمشي " .
و أردفت : " و عاوزين اثبات رسمي من الحكومة ، انه مش هيدفع حاجة و شايفين ان الاقرار ده عشان فيه رقم باسبورهم هايتمنعوا من السفر ، مع ان في الواقع رقم الباسبور ده لو عايزين يجيبوه هيجبوه من اي حتة مش شرط من الاقرار ، و شرحوا ده و قالو لهم الاقرار ده في المطار حماية لشركة الطيران " .
و أشارت : " و شرحوا ليس ورقه قانونيه ، بس مين يسمع ، الناس مش عاوزه تسمع و عاوزين يروحوا و خلاص و مش محترمين اي اجراء للحجر ، و الناس لم تدفع و لن تدفع ، و الا بقي الي مفهمش نوع اللانشن و قال عليها منتهية الصلاحيه . هههههههه " .
و تسائلت : " مش فاهمه عايشين ازاي في لندن ، بيعملوا ايه " .
و اختتمت : " مفاد الموضوع ان الناس مش عايزة تلتزم بالعزل ، و ده شئ محزن جداً حتى مع رفع عنهم اي تكلفه ، و اسلوبهم عدواني و غريب غريب غريب ، عيب عيب ، بجد بجد يا ريس الشعب عاوز من يربيه " .
