كتبت – أماني موسى
أشادت فتاة مصرية تدعى نور الله عزيز، بأداء وزارة الصحة المصرية في مواجهة وباء كورونا، وكذا خط الدعم النفسي الذي تم الإعلان عنه من قبل الوزارة، لدعم المتضررين نفسيًا من الوضع الحالي.
وقالت نور الله، في تدوينة عبر حسابها بالفيسبوك، قررت النهاردة ان انا اكلم النمرة للتجربة ومكنتش متوقعة إن أنا هلاقي رد اصلاً.
-الساعة ٤ كلمت الرقم و كان مشغول ٤:٠٥ رد عليا الرقم و حد سألني عن عمري وحالتي النفسية .
-بعدها حوّلني لشخص على ما اعتقد معالج نفسي أداني بعض النصايح في ما يخص التعامل مع الأرق ونوبات الهلع الناتجة عن القلق الذي تسببه الجائحة.
وتابعت، سألته لو حد معندوش الملائة المالية أنه يقدر يتوجه لعلاج نفسي قاللي ان يروح بالبطاقة مستشفى العباسية وهيدفع جنيه واحد بس و يتلقى الدعم النفسي المناسب.
-قفل معايا وقاللي اتوقع مكالمة من طبيب في الساعة القادمة عشان لو محتاجة ادوية.
-الساعة ٥ تلقيت مكالة من اخصائي طب نفسي اسمها دكتورة هايدي وكانت قمة في الاحترافية، وطلبت مني اتواصل معاها مرة اخرى لو حسيت بأي قلق.
بصراحة شئ عظيم إن أي حد و في اي عمر يقدر يتلقى دعم زي ده من غير تكلفة
