كتب – محرر الاقباط متحدون ر.ص
قال الكاتب الصحفي كمال سدره، انه في كثير من الأيام -إن لم يكن كلها-، بتلاقي الإعلام في مصر كله بيكتب ويتكلم في نفس الموضوع وفي الغالب بتطابق حتى ولو فيه أخطاء إملائية، وحتى لو الموضوع (فنكوش) مخالف للمنطق، بالإضافة إلي لجان السلطة الاليكترونية."
وتابع عبر حسابه على "فيسبوك"،:" اليومين اللي فاتوا -وعلي نفس النهج في المثال السابق- وبعد إذاعة قداس جمعة ختام الصوم من داخل الدير بحضور البطريرك، لاقيت كم ضخم من الشخصيات العامة المحسوبة رسمياً أو ضمنياً علي تنظيم الأخوان بخلاف لجانهم الاليكترونية شغالين تسخين في الناس وبيدّعوا إن الحكومة أغلقت المساجد وفاتحة الكنائس."
ولفت :"عارف أنهم عارفين أن المساجد والكنائس مغلقة وقاية للناس من خطر الوباء، وان الصلوات اللي بتتذاع بتتم داخل الأديرة دون زوار، يعني الرهبان سكان الدير أصلا، أما باقي كنائس الجمهورية مغلقة، لكنهم بينفذوا العادي بتاعهم تسخين العامة واستغلال لحب الناس للدين بتشويه الآخر وتنمية الكراهية ضده."
واختتم :" وبكده يبقوا ضربوا عصفورين بحجر واحد، المحافظة علي كم الكراهية للآخر واللي بتعتبر احد أعمدة استمرار جماعات التطرف أمثالهم، وكمان الاستغلال السياسي والتغرير بعقول البسطاء ضد السيسي غريمهم."
