الحروب البيولوجية عبر التاريخ

 

الحروب البيولوجية او البكتيرية هي الحرب عن طريق نشر الامراض الخطيرة للأعداء وتعتبر من اخطر أنواع الحرب في التاريخ واقوى من القنابل والأسلحة التقليدية  وبتكون السبب في قتل الالاف وممكن قتل الملايين كمان 

والحروب البيولوجية موجودة من الاف السنيين مش مرتبطة بالتطور التكنولوجي فقط 

هنوضح في حلقة النهاردة الحروب البيولوجية عبر التاريخ

لما استخدم الاشوريين فطر سام وفي تسميم مياه النهر الي بيشرب منها اعدائهم من الكلدانيين 

 

وفي سنة 184 قبل الميلاد كان القرطاجيين في المعارك البحرية بيرموا اواني فخارية مليانة ثعابين سامة على سفن الأعداء والي بتكون السبب في قتل معظم جنود اعدائهم 

والطريقة دي كانت هي السبب في انتصارت القائد القرطاجي حنيبعل الي يعتبر ما اشهر القادة في الجيش القرطاجي

 

بعد انتشار الطاعون بين جنود المغول في عام 1346 وفشل المغول في دخول مدينة كافا الي في شرق أوروبا 

حدف المغول جثث جنودهم الممصابين بالطاعون داخل اسوار المدينة باستخدام المنجنيق وبسبب الحادثة دي انتشر الطاعون في أوروبا وقتل تلت سكان القارة 

 

وفي القرن 12 جمع القائد التركي بيربروسا جمع جثث جنوده المتحللة ورماها في النهر علشان يسمم الايطاليين في معركة تورتونا

 

وفي سنة 1710 كان الاتحاد السوفيتي محاصر مدينة رفال في السويد ومش قادر يحتلها 

قام الاتحاد السوفيتي ارسل جنود مصابين بالطاعون وبعدها المرض انتشر بالمدينة وقدر الاتحاد السوفيتي يحتل المدينة بسهولة 

 

وفي سنة 1763 لما كانت بريطانيا بتحارب الهند أرسلت بريطانيا ملابس وبطاطين ملوثة بمرض الجدري 

وعلشان الجدري من الامراض سريعة الانتشار انتشر بسرعة في الهند وكمان انتشر في دول كتير تانية في اسيا وأصاب الملايين 

 

وحصلت حوادث تانية كتير من استخدام الامراض والبكتيريا في الحروب والي كانت من ابشع الطرق في الحروب

وده هو السبب في توقيع اتفاقية جنيف سنة 1925 وهي اتفاقية بتمنع استخدامالأسلحةالكيميائيةوالبيولوجيةفيالنزاعاتوالحروب 

لكن دول كتير مالتزمتش بالاتفاقية دي 

 

في الحرب العالمية الثانية اليابان نشرت مرض التيفودوالكوليا في اكتر من 1000 بئر مياه وانهار كتير من الي بيشرب منها الصينين 

وكمان القوا من الطيارات بطاطين وملابس ملوثة بالطاعون وامراض تانية معدية 

ووصل عدد الضحاية لحوالي 300 الف قتيل 

وكتير من المصابين الصينين بالامراض كانت القوات اليابانية بيقبضوا عليهم ويحجزوهم في معامل علشان يعملوا عليهم أبحاث وتجارب كحيوانات تجارب 

وحتى بعد نهاية الحرب العالمية الثانية استمرت الامراض الخطير الي كانت سببها اليابان منتشرة في الصين وكان بيموت بسبب الامراض دي حوالي 30 الف قتيل سنويا 

الامراض الي نشرتها اليابان في الصين قتلت اكتر من القنبلة النووية الي اسقتتها أمريكا على اليابان الي سقتت في هيروشيما ونجازاكي

التي قتلت حوالي 200 الف قتيل 

وبعد انتهاء الحرب العالمية الثانية وانتصار الولايات المتحدة و استسلام و هزيمة اليابان 

كان من المتوقع اعتبار العلماء الي شاركوا في صناعة الأسلحة البيولوجية والي عملوا تجارب على البشر على أساس انهم مجرمين حرب 

لكن ده محصلش لان الولايات المتحدة قررت الاعفاء عن العلماء دول في مقابل ان اليابان تسلم نتائج الأبحاث والتجارب والتعذيب الي عملوها العلماء دول وتسلم النتائج دي للولايات المتحدة 

ووافقت اليابان واطلقت الولايات المتحدة سراح العلماء دول بدون أي ادانة او عقوبةوابتدوا العلماء دول يشتركوا في المجال العلمي وفي شركات الادوية واكتسب العلماء دول احترام المجتمع العلمي بعد كدة 

ومن اشهر العلماء دول هو شيروايشيshiroishii الي يعتبر من اكبر العلماء الي اشتغلوا في أبحاث الأسلحة البيولوجية 

وهو الي اقترح انشاء برنامج الأسلحة البيولوجية الياباني اثناء الحرب العالمية الثانية 

بدل ما يعامل كمجرم حرب اتعامل كعالم كبير ليه أبحاث كبيرة ومهمة 

وكانت ابحاثةبتتنشر في معظم العالم 

طبعا ده بعد تغيير كلمة انسان في كل ابحاثه اتحولت لقرد او حيوان تجارب

ومع عدم التزام الدول باتفاقية 1925 الي بتمنع استخدام الأسلحة البيولوجية 

تم تعديل القانون في سنة 1973وبقى بيشمل منع تصنيع الأسلحة البيولوجية ومنع أي أبحاث في المجال ده مش بس منع استخدامها 

وبرده دول كتير مالتزمتش بالقانون الجديد كمان 

الاتحاد السوفيتي مثلا بعد توقيعه على الاتفاقية الجديدة بدأ مشروع كبير لصنع الأسلحة البيولوجية والأبحاث على الامراض المعدية 

وكان بيشتغل في المشروع ده اكتر من 50 الف عالم ومتخصص 

وانتجوا أطنان من البكتيريا والفيروسات المسببة للامراض الخطيرة زي الجمرة الخبيثة 

الي كانت بتسبب الوفاة بعد أيام قليلة 

ورغم ضخامة المشروع ده كان مشروع سري تماما 

وفضل سري ومتمش اكتشافه الا بعد انهيار الاتحاد السوفيتي سنة 1991