ومقدمتش بس الامراض والفيروسات للعالم
هنوضح في حلقة النهاردة اهم 10 اختراعات قدمتها الصين للباقي العالم
بيتر عاطف
1-الورق
نقصد الورق بشكله الحالي الشكل الي بنستخدمه دلوقتي
وكانوا بيصعوا الورق من لب نبات البامبو او المعروف بالخيزران
وظهرت صناعة الورق في الصين في القرن الاول الميلادي
وكانت مراحل صناعة الورق هي وضع لب نبات البامبو في المياه لحد ما يتحول لعجين ابيض
وبعدين فرد العجين ده وضغطه وتجفيفه لغاية ما يتحول للورق بالشكل الي نعرفه
2-الطباعة
اول من ابتكر الطباعة هم الصينين وده عكس الاعتقاد السائد ان الطباعة اختراع اوروبي
والي اخترعها هو يوهان غوتنبرج
لكن الطباعة في اوروبا ظهرت في القرن 15
لكن الطباعة ظهرت في الصين قبل كدة بقرون كتير
اقدم دليل لوجود الطباعة في الصين هو مخطوطة صينية اثرية موجودة في المتحف البريطاني واسمها دايموند سوترا وبيرجع تاريخها لسنة 868 م
وكانت الطباعة هي الطريقة الي اتكتبت بيها المخطوطة دي
وكانت الطباعة عبارة عن قوالب متحركة عليها الحروف الصينية وكل لما تغير ترتيب الحروف يدي كلمات مختلفة
ودي الطريقة الي كانت بتستخدم في طباعة الصحف قبل اختراع الكمبيوتر
3-العملات الورقية
ظهرت العملات الورقية في الصين في القرن السابع الميلادي بعد ظهور ازمة في الذهب والفضة والنحاس الي كان بيتصنع منهم العملات المعدنية
واستبدلت الحكومة العملات المعدنية بعملات ورقية اسمها Jiaozi جيوزي
ودي كانت اقدم عملة ورقية تصدرها دولة في التاريخ
4-البوصلة
اقدم بوصلة تم اكتشافها هي في الصين ويعود تاريخها لـ200 سنة قبل الميلاد
الصينين مش هما الي اكتشفوا المغناطيس الطبيعي لان اول الي اكتشفوا حجر المغناطيس الطبيعي هما حضارة الأولمك في المكسيك
لكن اول من استخدم المغناطيس في صناعة البوصلة هما الصينين
وكانت البوصلة عبارة عن قطعة حجر مغناطيسي تشبه المعلقة موجودة في وعاء مياه
ايديدها بتتجه ناحية الجنوب ورئسها بتتجه ناحية الشمال
والصينين في البداية مستخدموش البوصلة في الملاحة لكن كانت بتستخدم في الاعمال الهندسة والمباني وفي بعض الاوقات في الشعائر الدينية في الصين
وبعد كدة استخدمت البوصلة في الملاحة
اختراع البوصلة هو اهم اختراع للملاحة في البحر والبر والجو لحد دلوقتي
5-الحرير
الصين في الوقت الحالي بتسيطر على انتاج الحرير الطبيعي بحوالي 75% من انتاج الحرير الطبيعي في العالم كله
والصين هي اول دولة تنتج الحرير الطبيعي من دودة القز
وبيرجع انتاج الحرير في سنة 2700 قبل الميلاد
وتم اكشاف الحرير صدفة
لما كان الإمبراطور الصيني هو أنجدي بيحاول يعرف سبب تلف أشجار التوت الموجودة في الحديقة بتاعته
واكتشفوا ان فيه كميات كبيرة من دود القز هي الي بتاكل أشجار التوت
وزوجة الامبراطور لاحظت شرنقة الدودة بيطلع منها نوع من الخيوط ومن هنا ابتدت صناعة الحرير الطبيعي في الصين
6-البارود
الصينين هم اول شعب يستخدم البارود
واقدم وثيقة رسمية لصناعة البارود موجودة في الصين ودي وثيقة عسكرية بتشرح طريقة صناعة البارود واتكتبت سنة 1044 م
واستخدم الصينين البارود في الحروب وكمان في الاحتفالات
والبارود في بداية اكتشافه كان بيستخدم على أساس انه مادة حارقة وسريعة الاشتعال مش على أساس انه مادة منفجرة
لغاية القرن 14 حصل تطور في صناعة البارود عن طريق زيادة نسبة النترات فيه
وبكدة بقى مادة منفجرة مش مشتعلة بس وبقى سلاح اقوى من الأول كمان
والتطور ده حصل في الصين كمان
7-المكرونة
الصينين هما اول شعب يصنع المكرونة او النودلز زي ماهي معروفة في الصين وده عكس الاعتقاد السائد ان الايطاليين هما الي اخترعوا المكرونة
وده مش صحيح لان الايطاليين هما الي نشروا المكرونة بس وأضافوا ليها حجات كتير زي اضافة الصلصة مثلا
لكن اول شعب يخترع المكرونة هما الصينين
والدليل على كدة هو اكتشاف اثري في شمال غرب الصين موجود فيه بقايا مكرونة محفوظة والي بترجع لحوالي 1000 سنة قبل الميلاد
وده بيأكد ان الصينين هما اول شعب يخترع المكرونة
والمكرونة دلوقتي تعتبر من اشهر الاكلات المنتشرة في العالم كله
8-الأرز او الرز بالمصري
الصينين هما اول شعب يزرع الرز
ومعظم الأبحاث بتأكد ان الصينين ابتدوا في زراعة الرز سنة 2000 قبل الميلاد
وكان اول مكان يتزرع فيه الرز كان في شرق الصين على ضفاف نهر يانجتسي
9-الشاي
الصينين هما الي قدموا الشاي للعالم
بعد ما كان نبات بري وملهوش أهمية
الصينين هما اول شعب يستخدم الشاي كمشروب
وكانوا بيشربوه في معظم الأوقات
وبدأ الصينين في شرب الشاي من اكتر من 2500 سنة قبل الميلاد
الشاي دولقتي من اشهر المشروبات في العالم ده لو مكانش هو اشهر مشروب في العالم
وتجارة الشاي بتزيد كل يوم وحجم تجارة الشاي في سنة 2019 وصل لحوالي 50 مليار دولار
10- فرشة الاسنان
فرشة الاسنان الي تعتبر افضل طريقة للحفاظ على نظافة وسلامة اسنانك
اول شعب اخترعها هما الصينين
وأول فرشة اسنان بالشكل الحالي الي نعرفه
ظهرت في الصين في القرن السابع
وكانت الايد بتتصنع من الخشب او عظم الحيوانات
والفرشة كانت بتتصنع من شعر الخيول او الخنازير
لكن استخدام فرشة الاسنان كان محدود جدا في البداية
وبدأت ينتشر استخدامها في الصين في القرن 15
وبعد كدة انتقلت فرشة الاسنان لاوروبا في القرن 17
وكانت فرشة الاسنان في البداية
الصين عندها حضارة كبيرة جدا ومحدش يقدر ينكر فضل الصين في اهم مجالات الحياة
