انتقد أحمد حسام ميدو نجم ومدرب الزمالك الأسبق، تصريحات أحمد السيد مدافع الأهلي السابق، التي أدلى بها منذ ساعات قليلة، وأكد فيها أن النادي الأبيض كان يرغب في ضمه ودخل في مفاوضات معه مرتين.

وعلق ميدو على ذلك عبر حسابه على موقع التواصل الاجتماعي "تويتر"، اليوم الأربعاء، كمية لاعيبة كورة سابقين طلعوا كذبوا شوية كذب الفترة اللي فاتت في التليفزيون كأن الناس جالها الزهايمر أو يوتيوب وجوجل اتحذفوا.
 
وأضاف ميدو: اللاعيبه قالت أي كلام وأنا بصحى أشوف وعادي مابفتحش بوقي لكن بصراحة انفجرت دلوقتي لما قريت إن أحمد السيد قال إن الزمالك فاوضه مرتين وهو رفض".
 
وتابع: "اللاعيبة مابتفرقش ما بين إن وكيل عرض عليك وما بين إن النادي عرض عليك رسميا.. شغلة الوكيل إنه يحاول ويحاول يمكن الموضوع يمشي ويبتدي يشبطك معاه لحد مايوديك المكان اللي هو عاوزه لو قدر"، لافتا: "من حق أي حد يقول رأيه في أي حد لكن الكذب العلني ده خاصة مع التكنولوجيا الحديثة غباء اجتماعي كبير جدا".