كتب – سامي سمعان
أبدي عمرو عبدالحكيم عامر، تعجبه من قرارات حظر التجول التى أعلنت عنها رئاسة مجلس الوزراء قبل قليل خلال شهر رمضان والذى يبدأ غدا الجمعة.
وقال "عامر" علي حسابه على موقع الفيسبوك "بالنسبه للشهر العقارى .طب ازاى ..ده اكتر مكان فيه زحمه فى الكون سعادتك .ده الناس بتحجز من ٦ الصبح، بالنسبه للمولات ..نفس الفكره زحمه و تكدس برده".
وتابع "بالنسبه للساعه ٩.. طب ليه مش ١٠.. لو عايز الناس تتزاور وتفطر مع بعض.. ٩ دى يعنى حيفطر وينزل علطول وكله فى نفس الوقت وزحام شديد واحتمال متعرفش تسيطر".
وبالنسبه للاحياء الشعبية دى اصلا لا تعرف حظر ولا كوورنا.. بالنسبه لشراشه انتشار الفيروس.. هل أحنا نقدر نتعامل مع الزيادة الكبيرة فى الاصابات من حيث الاطقم الطبيه وأماكن العزل.. بالنسبه للضرر الاقتصادى.. مهو سعادتك لو انتشر المرض وسيطر حيبقى دمار اقتصادى وليس خسارة.. بالنسبه لوعى الشعب.. ما شاء الله الاغلبيه وعى صفر من كل الطبقات"
واختتم: "مقدرتش افهم واستوعب القرارات عايزة ايه....اتمنى مخاوفى تبقى غلط".
الجدير بالذكر أن المهندس مصطفى مدبولي رئيس مجلس الوزراء، أعلن تقليص عدد ساعات حظر التجوال خلال شهر رمضان، ليبدأ في التاسعة مساءً بدلًا من الساعة الثامنة وحتى الساعة السادسة صباحًا، وأنه سيتم فتح المحال والمراكز التجارية طوال أيام الأسبوع حتى الساعة الخامسة مساء.
