كتب – سامي سمعان
أكدت الكاتبة سمر فودة، ابنة المفكر الراحل فرج فودة، أن قرارات رئاسة مجلس الوزراء بخصوص حظر التجول خلال شهر رمضان تساهم في زيادة التجمعات سواء فى العزومات أو صلاة الترويح بالبيوت.
وقالت "فودة" على حسابها على موقع الفيسبوك "مش شايفه اي فايدة للقرار غير ان الناس تروح تفطر مع بعضها ويبقى فيه تجمعات وعزومات ويصلوا التراويح جماعة في البيوت".
وتابعت: "طيب هو كان ايه لازمة الحظر ووجع القلب الفترة اللي فاتت ولا ايه لزمتة حاليا.. ده احنا جالنا تخلف عقلي من الحبسه.. ما تفك بقا الحظر وخليك فريش .. ولا هو منظر وخلاص اننا دولة عامله حظر وكده !!!؟؟".
واختتمت "خلاص يا جماعة لو الحظر في رمضان ٩ يبقى هما شايفين ان مفيش خطورة والأمر مطمئن.. بس لو حصل اي تفشي او انتشار يبقى المسؤلية تقع عليهم ".
الجدير بالذكر أن المهندس مصطفى مدبولي رئيس مجلس الوزراء، أعلن تقليص عدد ساعات حظر التجوال خلال شهر رمضان، ليبدأ في التاسعة مساءً بدلًا من الساعة الثامنة وحتى الساعة السادسة صباحًا، وأنه سيتم فتح المحال والمراكز التجارية طوال أيام الأسبوع حتى الساعة الخامسة مساء.
