شعر/حنا عادل النجار
مغلطش ولا ارتكبت جريمه
ولا حلمت ابقي نجم
من نجوم السيما
كل زنبي اني حبيت
وعمر العشق مكان زنب
الزنب ان زمانا مبقاش فيه
ناس تستاهل انها تتحب
لمتهم الكبيره حواليك دي
قش..

مع اول نفخه نار
بتتهش..

والكل ف حبي ليكي
قالي متاعندش القدر
انهي قدر الي خلي قلبك
حطب..

وخلي قلبي لاي حد غيرك
شطب...

انا لا بعاند السماء ولا بعاند
الارض...

بس الفكره ان مشاعري
خلاص مبقاش ليها حد..
رغم كل الي بتشوفيهم
حواليا..

فانا وحيد طول مانتي بعيده
عن عنيا..

انا مش ميت علشان تقولوا
ارضي بالقدر..
او جثه الدفنه اكراما ليها
واهو اتستر..

ان الي اتحكم عليا
بدون تحقيق مسبق
مع ان كان ف صالحي
كل الشهوود..

رفعه الجلسه
وصدر الحكم
باعدام كل الوعود
صدر الحكم بحبس
جسدي فقص مدي الحياه
بس روحي..
اتكتب عليها العزاب وهتفضل
تستناه..

لو فراقك قدر..
طيب عشقي ليكي كان ايه؟؟
كان كتاب نسيان
لحب ليكي قديم!!
بس انتي عندي كياان..
ولا عمر حبك ميتحط
ف طي النسيان..

لا نجوم اجمل منك
ولا شمس نورها قوي
ممكن فيوم يخليني
استغني عنك..
واذا كان حبي ليكي قدر!!
فانا بعاند القدر#