شدد الدكتور طارق شوقي وزير التربية والتعليم والتعليم الفني، أنه لا تأجيل لامتحانات الثانوية العامة هذا العام.
وقال وزير التعليم، خلال مداخلة هاتفية مع الإعلامية سارة حازم مقدمة برنامج "مساء DMC"، ردًا على مطالبات بعض أولياء الأمور بتأجيل الامتحانات أو إيجاد بديل لها: "فيه فرق بين إننا نأجل امتحان أو نتكلم على إلغاء امتحان، أو نبتدي نبتكر ونقول إننا نلغي الامتحان ونعمل بداله امتحان قدرات أو بحث، كلها أمور مرفوضة قولًا واحدًا، والكلام عنها مجرد مضيعة للوقت".
وأضاف: "هيبقى فيه امتحان يعني هيبقى فيه امتحان، والدولة هتعلن القرار يوم 15 مايو ومفيش كلام أكتر من كده، والمنطق والعقل والقانون بيقول كده، ومينفعش حد يخش الجامعة بلا تقييم".
وأردف: "الامتحان 7 يونيو إلا إذا جد جديد والدولة قررت إنها تنقل المعاد لمعاد أكثر أمانا، غير كده مفيش حاجة نتكلم عليها".
