كتب – محرر الاقباط متحدون ر.ص
حذر الدكتور محمد علام، نائب مدير مستشفى النجلية في مطروح، من التكييفات'> التكييفات في ظل أزمة فيروس كورونا التاجي المستجد.
وكتب "علام" عبر حسابه على "فيسبوك"، التكييفات'> التكييفات والكوفيد البوست ده مهم جدا عاوزه يوصل للناس كلها رجاءا شيروا الصوره دى على كل الجروبات..التكييفات خطر للأسباب التالية :في الأماكن المغلقة ومفيهاش تهويه كافيه فرصه انتقال الكورونا لو فى شخص مصاب كبييره خصوصا لو فى شخص بيكح أو بيعطس وعنده كوفيد ساعتها الكورونا بتتحول لرزاز صغير ببتنقل لمسافات اكبر من مترين وبيفضل معلق في الهواء لساعات، الأفضل في أماكن العمل المتواجد فيها أشخاص كتييره يكون في مصدر جيد للتهوية ولابسين كمامات ساعتها الخطر بيكون اقل من ١ ٪ يعنى قفل كل تيارات الهواء والاعتماد على التكييف خطر وغلط.
وتابع :" في بيتوتكم التكييف مفيهوش خطر لو كل البيت ملتزم طيب في واحد بينزل البيت ومش بيكون مأمن نفسه كويس أو بيتعامل مع مرضي كتيير أو غيره لا التكييف خطر بالعكس نتعامل معاه كأنه مخالط علشان أمان باقي أفراد الأسرة ... في مكتبك في الشغل لو لوحدك مفيهوش خطورة عليك لكن أنا أفضل الفترة دى نعتمد على التهوية الطبيعية نفتح الشبابيك تيار الهواء بيساعد في تجديد هواء الغرف ويخلى الرزار ينزل للأرض لو في حد بيكح أو بيعطس متواجد في المكان ."
مضيفا :" أتمنى أكون غطيت ألنقطه دى عاوزها توصل لكل الناس خصوصا اننا بدئنا الصيف والناس معتمده على التكيبف وده غلط نستنا مش دلوقت خصوصا ان من يناير وفى دراسات كتتير لتتبع حالات اثبتت اصابتها فى أماكن مغلقه مطاعم وخلافه متعتمده على التكييفات'> التكييفات الداخلية ومفيهاش مصدر متجدد الهواء.. الأماكن المفتوحة والشوارع أمان لو بعيد عن الناس بمترين انزلوا خرجوا عيالكم بعيد عن الزحمه خلوهم يتمشوا شويه بس بلاش اختلاط يعنى ميلعبوش مع الأطفال التانيين وزيارات عائليه."
واختتم :" دمتم بأمان الوعي هو سلاحنا الوحيد هحاول أغطي كل جوانب الحياة ازاى نغيير طريقتنا ونقلل الخطر علينا كلنا ساعدونى."
