كتب – سامي سمعان
حذر الدكتور محمد علام، نائب مدير مستشفى النجيلة بمطروح، من ارتفاع إصابات كورونا بالألف والوفيات هتضاعف ضعف الأرقام الحالية اذ لم ينتبه الشعب لسلوكياته واتخاذ الإجراءات الاحترازية من فيروس كورونا.
وقال "علام" على صفحته على فيسبوك "بعد موصلت موقف الاسكندريه وشفت بعينى اللى بيحصل ويا ريتنى مشفت مفيش غير ٥ من ضمن المئات اللى شفتهم لابس ماسك ومنهم اتنين منزلينه من على وشهم كمان وكل الميكروباصات والاتوبيسات مش لابسين اى حاجه ممكن واحد فى كل ٥ ميكروباصات اللى الاقيه لابس ماسك".
وتابع "انتوا واثقين فى نفسكم كل الثقه دى ازاى محصنين يعنى .. ايه يا جماعه لو انتم لقيتم حل يخليكم تنزلوا بكل الثقه دى عرفونا اهو نقفل المستشفيات ونشوف اهلنا على الاقل ".
المرض حقيقى واللى بيحصل ده هيخلينا قريب نشوف الرقم اليومى من ٤ ارقام والوفيات هتتضاعف خدونى عبره والله العظيم المرض حقيقى .
مفروض باقى على الفطار دقايق والدنيا زحمه امال الصبح الوضع كان ازاى والناس عماله تتف على الأرض وتبوس وتحضن بعضها ولا كان فى اى حاجه.
العربيه اللى راكبها خدت الكرسي اللى جنبى ولابس ماسك وفاتح الشباك مش علشانى علشان الناس والكل مش لابس اى حاجه ولا حتى منديل على وشه وحاجه زى الفل .
واختتم "ربنا يسترها معانا علشان ملهاش حل غير الستر والله واننا ندعى ربنا . دمتم بأمان برحمه ربنا بينا الواحد محبط ومرعوب بجد".
