محمد السماك
-دي السيده رانيا عبد المسيح من المنوفيه اختفت من فتره صغيرة واهلها بلغوا باختطافها رانيا ظهرت في فيديو من يومين بتقول أنها أسلمت وطبعا الي يركز في الفيديو هيعرف انه تحت ضغط وأنه مش حقيقي.
في بدايه الفيديو الأصلي الي تم اقتصاصه بعد كده في ست منتقبه ظهرت بتمليها الكلام، بعد أول 7 ثواني رانيا المفروض بتقول كلام هي عايزه تقوله عشان ترتاح من ملاحقة الأمن فمش محتاجه تحفظ الكلام لأن هو هيطلع لواحده لكن هتلاقوا انها بتغمض عنيها وهي بتتكلم وده دليل أنها بتحاول تفتكر الكلام الي اتحفظلها
- رانيا بتقول أنها مسلمه من 9 سنين ومع ذلك قالت إنها اول سنه تصوم، وقالت ان أهلها ملاحظين من فتره تغيرها مع أن بشهادة أهلها أن لحد عيد القيامه الي فات كانت في الكنيسة وآخر منشورات رانيا كانت بتدعي الرب يسوع وتمجده وبالعقل لو هي مجبرة تروح الكنيسه فمش مجبرة تكتب بوستات دينيه مسيحيه، لو فعلا رانيا أسلمت يبقي كان أول خطوه طبيعيه زي الي أسلم قبلها أنها تروح للأزهر وتطلع وثيقة لإشهار إسلامها وبموجبها الأمن بيحميها
- رانيا في الفيديو بتقول أنها خرجت ومعاها هدومها ده طبعا زي ما اتلقنت عشان تبين أنها متخطفتش لكن بشهادة أهلها هي خرجت من غير هدومها وحتي كانت لابسه الصليب، تركيز رانيا وتكرارها اكتر من مره أنها خرجت بارادتها وأنها لم تجبر علي كده أكبر دليل أنه مش ده الي حصل وان ده كلام متحفظ ليها ورسالة عاوزيين يوصلوها لأن لو اعتبرنا أن دي رسالتها ومرادها أن أهلها يبطلوا يدوروا عنها وتعرفهم أنها مش مخطوفه كانت ببساطه اتصلت بيهم لكن مراد الفيديو هو التشهير أن في واحده أسلمت.
ونظرات رانيا في الفيديو خير دليل
وفي النهايه ده مجرد تحليل شخصي بناء علي شهادة أهلها ومنطقتها وبابا الكنيسه التابعه ليها..ممكن تكون أجبرت علي كده فعلا وممكن لا والفيصل في ده هو انتظار التقرير الأمني
