كتبت – أماني موسى
قال الصحفي عماد خليل، إن سلوك بعض العائدين من الخارج فى تصوير الاماكن اللى هيقعدوا فيها فترة الحجر الصحى سلوك غريب.
مضيفًا في تدوينة عبر حسابه بالفيسبوك، امبارح انتشر فيديو لمكان في إحدى المدن الجامعية وبتتكلم الست عن السوء والقذارة وكلام كبير، مبدئيًا ده أوبشن انك تنزلى فى المدن الجامعية مجانًا أو انك تنزلى فى فندق على حسابك طالما مستواكى أعلى من كدة.
ثانيًا كنت من الساكنين فى المدن الجامعية طوال فترة الجامعة وتقريبًا أكثر من ٩٠ ٪ من المغتربين فى الجامعة من سكان المدينة، وكانت مكان نظيف والاكل كويس وكنا بندفع وقتها ٣٠ جنية شهريًا نظير الإقامة والاأكل والشرب والملاعب حتى فى فترة الصيام كانوا بيجيبوا أكل صيامى مخصوص .. أنا شايف فى الفيديو تربص ومزايدة على الفاضى.
