كتب – محرر الاقباط متحدون ر.ص
قال المحامي والحقوقي شريف رسمي، انه عندما حولوه علي حميات إمبابة لعمل أشعة علي الصدر و تحليل CBC، وجد العاملين بالمستشفي جيش طبي من المقاتلين الانتحاريين يعملون تحت ضغط ظروف غير عادية."
وتابع عبر حسابه على "فيسبوك"، وجدت رواد فضاء ببدل الحماية من الميكروبات البيضاء و الصفراء و الزرقاء .. بخوذاتهم الزجاجية و كماماتهم .. يعملون علي آلاف الأشخاص من عمال وفنيين معامل وأشعة و ممرضات و أطباء و استشاريين .. الجميع يعمل بمنتهي التفاني و بمنتهي احترام للجمهور و دي ظاهرة .. كنت عايز أبوس دماغ كل شخص تبع منظومة مستشفي حميات إمبابة و أبوس الأيد اللي اترعشت من كم الشغل المهول و بحر الناس اللي بتكشف."
ولفت :" علي الجانب الآخر .. شفت ناس بتكشف هم أحقر كائنات الأرض تجمعت اليوم .. لا ضمير ولا أخلاق و لا التزام بأبسط دواعي ألامان .. لا كمامة و لا كحول و بيشتموا في بعض و بيذقوا قي بعض و عشرين مريض في مترين و كأن بالتزاحم و التسابق هيلحق اللحقة .. غير قلة الأدب الغير مبرر و التطاول الغريب علي العاملين بالمستشفي رغم أنهم بيقوموا بالواجب و زيادة."
واختتم :" بصراحة مستحيل يكون اللي قابلتهم النهاردة مصريين .. و بتمني يكون يوم جمع حثالة مصر و مايكونش كل يوم بنفس الشكل ده لأنه لو كدة قول علي المصريين السلام في أخلاقهم و ضميرهم بالإضافة لصحتهم اللي مؤكد كم الإصابات هتبقي ملايين لو استمر نفس السلوك ده صلوا من اجلي."
