اكد الدكتور محمد التهامي الطبيب بمستسفي العزل بمدينة العلمين انه منذ ظهور فيروس كورونا وحتي الان ونحن نواجه فيروسا مجهولا، ولا يعرف احد عنه اي شيء.
واضاف ان الغريب في ذلك "ان الحالات مش شبه بعض ناس بتمر عليها تبقي كويسة ومرة واحدة تقلب وتبقي وحشة ناس كبيرة في السن وعندها امراض تانية وبتعدي وتخف والعكس وناس صغيرة في السن ومعندهاش اي امراض وبتقلب وتبقي وحشة".
واشار ان هناك أشخاصا بتخف في خمسة او ستة ايام وتحليلها يبقي سلبي وناس لها شهر ونتيجة تحليلها لسه ايجابي فالاغلبية بيتحسنوا ونسبة صغيرة اللي حالتها بتتدهور .
وأوضح اننا امام مرض لعين ماشي زي النار في الهشيم والاعداد عمالة تزيد والناس واخدين الموضوع بهزار وتريقة واستخفاف لافتا "اذا اي حد زار المستشفي وشاف منظر الحالات هيترعب ومش هيهزر تاني في الموضوع".
وطالب جميع المواطنين ان ياخذوا الموضوع بجد شوية وان يلزموا البيوت ولا تنزل الا بكمامات حتي لا تساعد في انتقال الفيروس.
