وقعت المطربة الشعبية بوسي، ضحية حلقة اليوم، من برنامج "رامز مجنون رسمي"، الذي يعرض على قناة "MBC مصر"، الذي يقدمه الفنان رامز جلال.
وسخر رامز من بوسي، خلال تقديمه لها، قائلا: "أقصى أنواع العذاب إنك تبعد عن بلدك أو تتغرب خصوصًا لما تكون الغربة مش باختيارك، زي المناضل أحمد عرابي، نُفي عشان وقف قصاد الإنجليز، ولكن بوسي خلعت من مصر عشان عندها كام قضية في محكمة الأسرة، قضايا سب وقذف ونفقة وحضانة وضرب أفضى إلى الموت".
كما تهكم رامز، من المشاكل بين بوسي وطليقها قائلًا: "هو انتوا إيه يا جماعة، كنتو متجوزين ولا بتلعبوا بوكس، الجواز تراحم مش تلاحم، سكينة مش رفع سكينة".
وتابع: "على فكرة يا جماعة لازم تفهموا إن اللي بعمله معاها ده خير، بحاول أنقذها من تأبيدة، لأني واثق إن خصمها في المحاكم بعد ما يشوف اللي هيحصلها النهاردة قلبه هيرق وهتصعب عليه، وبدل ما يكمل في القضايا هيقول كفاية، وهيبكي عليها".