دكتور محمد علام
الرزاز والتلامس
اولا الرزاز ينقسم ل ٣ انواع
رزاز كبييير الحجم ينفل عن طريق التحدث عن قرب مع المصاب وبينقل لمسافه متر لمتر ونص ويسقط على الأرض
رزاز صغير الحجم وينقل عن طريق العطس والسعال لمسافات تتعدى المترين ويسقط على الارض بعد فتره قصيره
رزاز متناهي الصغر وده بيكون فى اجراءات طبيه معينه زى الانعاش القلبى الرئوى وتركيب انبوبه حنجريه للمريض (داخل المستشفى) ويظل معلق فى الهواء لساعات
عامل التهويه ليه دور مهم لو مكان سئ التهويه ومغلق هيظل معلق لفترات أطول

التلامس عن طريق ملامسه اسطح تحتوى على الرزاز
أكثر الاسطح عرضه لتواجد الفيروس حولين المصاب :
الموبايل - ريموت التلفزيون - الادوات الشخصيه - الحمام الشخصى - اسطح الغرفه المعزول بها المصاب حوالين السرير والمكتب لو بيستعمله ولو فى لابتوب نسبه تواجد الفيروس فى غرفه المصاب بتكون من ٧٠ ل ٨٠ ٪ حوليه حسب لمس ايه بايده وهى محمله بالفيروس
ارضيه الغرفه بها الفيروس بنسبه ١٠٠٪ علشان الرزاز بيسقط على الارض

* الفيروس بيعيش قد ايه على الاسطح ؟؟
البلاستيك والاستانلس من ٢ ل ٣ ايام
الورق والكرتون حتى يوم
النحاس ٣ ل ٤ ايام

* ازاى تأمن نفسك من الاصابه بالعدوى ؟؟
اولا ارتداء الشخص المصاب كمامه
ثانيا ارتداء كمامه
ثالثا تطهير الايدى بالكحول او غسيل بالمياه والصابون جيدا
رابعا تطهير الاسطح بكلور ومسح الأرضيات
(الجوانتيات ملهاش لزمه طهر ايدك واغسلها اضمن الف مره وانا قلت فى اكتر من بوست وفيديو ليه مش هتأمن)

* نعمل ايه فى حاله غزل مريض مصاب فى المنزل ؟؟
عدم استعمال الاغراض الشخصيه
ارتداء كمامه للمريض ولاسرته اثناء التعامل معاه
الاكل بمفرده والحمام مستقل فى حاله مشاركه الحمام يتم تطهيره بالكلور بعد كل استخدام
بعد الخروح من غرفه المصاب يتم مسح الحذاء (ارضيته) بالكحول او الكلور ومسح الطرقه بالكلور فى حاله خروج المريض من الغرفه لاى سبب
الاكل والشرب بمفرده وفى اطباق احاديه الاستخدام ولو اضطرينا لاطباق عاديه يتم غسلها جيدا ويتم ارتداء كمامه اثناء غسلها
عزل المريض بغرفه جيده التهويه .

* ايه اخطر مكان ممكن يتنقلى العدوى فيه بسهوله ؟؟
المواصلات والاماكن المزدحمه زى المحلات والطوابيير اللى قدامها وعليها زحام والتجمعات البشريه زى العزومات والاماكن سيئه التهويه اللى بتعتمد على التكييفات
التكييفات والتهويه السيئه بتسهل انتقاله ونشر الفيرس لمسافة كبييره زى المطاعم المغلقه .

* فى خطر فى انتقاله ليا فى الشارع ؟؟
طالما ماشى فى الشارع بعيد عن الزحام واقل مسافه بينك وبين اى شخص مترين واكتر مفيش اى خطر نهائى وتلبس الكمامه زياده امان فقط لكن مفيش خطوره تقدر تتمشي كل يوم شويه بعد الفطار انت واسرتك بعيد عن الزحام فى اماكن مفتوحه

نصيحه مهمه بلاش عزومات بلاش تجمعات عائليه بلاش تجمعات للشباب ولا الاطفال يلعبوا مع بعضهم فى الشارع دى من اكتر الطرق نقلا للعدوى .

* هل الفيروس بيضعف ؟؟
لا مفيش حاجه علميه بتقول كده بالعكس بدء ضعيف ثم بقى اقوى وانا اتكلمت فيها بالتفصيل فى اخر فيديو .

* هل طلع علاج فعال ؟؟
حتى الان لا ولسه التجارب مستمره وهتاخد وقت

* هل فى لقاح فعال ؟؟
حتى الان لا لسه قدامنا شهووووور

* هينتهى امتا الفيروس ؟؟
لما الناس يبقى عندها وعى وتطبق التباعد المجتمعى صح غير كده الله اعلم دول انتهى فيها بتباعد مجتمعى صح زى كوريا وتايوان وكل دول شرق اسيا .

*اى بوست بادئ بمفاجئه وحقيقه يخفيها العالم واكلات بتحمى لو مشروبات بتحمى او حديث لدكتور اجنبى كلها بوستات لتجميع لايكات فقط

* علاج الكوفيد مش بحقن السيوله اى كلام غير كده غلط ومحدش يشتريها حرام بتضر وهتعمل كوارث لما الدكاتره تكتبلك عليها سواء للكوفيد او اى مرض تانى خدها
* تطعيم الدرن ملهوش دور
* درجه الحراره هتقلل الانتشار فقط لكن مش هيتمنعه بالعكس الكورونا البشريه بتنشط من شهر نوفمبر لشهر ابريل احنا فى مايو والكوفيد لسه مكمل .
* مفيش ادويه هتقوى المناعه متصرفوش فلوسكم على الارض الاكل الصحى والفاكهه كفايه وفيها كل الفيتامينات اللى محتاجنها
* مفيش تحاليل تروح تعملها تطمن عندك ولا لا بلاش حد يستغلكم لما يكون فى اعراض هنعمل تحاليل واشعات نطمن وهتخلينى اشك او لا مش هتاكد او هتنفى وتكون فى مستشفى .

* الدكاتره فى مصر مش هيأثروا فى حق مريض فبلاش نشق الصف احنا هنعمل اللى علينا للاخر وانتم ساعدونا وساعدوا نفسكم وساعدوا الناس اللى مش قادره تساعد نفسها كلما صف واحد ضد الوباء محدش واخد صف الكوفيد .

اخر حاجه متصدقوش ان قعدت بعض الناس فى البيوت مجبتش نتيجه والله جابت نتيجه كملوا وحاولوا تقنعوا غيركم هيفرق الواحد بيفرق .

معلش بوست طويل قلت اجمع فيه اهم الحاجات الفتره دى .
دمتم بأمان دكتور محمد علام