صفاء رفعت
كل مدى ما باحس ان كورونا دى قليلة علينا..الناس اللى بتتطاول على قداسة البابا وعايزين الكنيسة تفتح بالعافية على الجروبات المسيحية..هو حضراتكم مش سامعين وشايفين الاعداد السبعمائة النهاردة والوفيات حوالينا من كل ناحية..هو حضراتكم البابا ده مش أولا واخرا أب يخاف على ولاده من المرض وغيره..ولما حضراتكم المساجد قافلة واماكن كتيرة قافلة..ليه نقعد نشتم ونتهم البابا بافظع الكلام..

هى الكنيسة اللى حضرتك عايز تفتحها علمت حضرتك كده..يبقى ليه حق ربنا يقفلها..واللى يقول نفتح ونلبس الناس كمامات ونحط كحول ونقعد بعيد عن بعض..كلنا متأكدين ان الكلام ده مستحيل تنفيذه مع شعبنا اللى اصلا بيرمى المناديل من على انفه جوه صحن الكنيسة ده اذا كان معاه منديل اصلا..واللى بيرمى البامبرز بتاع العيال برضه..واللى فيه ناس غلابة وبسطاء مش هيلبسوا كمامة ولا يعرفوا يعنى ايه كمامة اصلا..واللى فيه الناس هتعوز تدخل الكنيسة بالدراع..هنقعدهم تلاتة فى البنك والكنيسة اتملت ...هنعمل ايه ..هنقول للباقى اتفضل روح ونتخانق..

ولا نجاملهم وندخلهم..والكمامة اذا اتلبست اصلا على الباب هتتشال جوه اكيد..ووقت الصلاة والتناول..وهو ابونا اصلا هيلبس كمامة..طبعا لا..انا مش باعقد الامور..انا باقولكم حطوا نفسكم مكان البابا ..ياترى هيكون مبسوط لما الكنيسة تفتح من بكرة وتظهر حالات بعد بكره فالحكومة تقفل الكنيسة خالص بعد بعده...نسيت الفت نظركم كمان ان طبعا الستات هتقعد تحضن وتبوس بعض من الاشتياق...ولا ايه رأيكم..ارجو من اللى بيهاجموا سيبوا قداسة البابا فى حاله..ربنا يعينه..وزمان كان الشعب المسيحى شعب فى منتهى الخضوع والطاعة للرئاسات الكنسية او الدولة لان كتابنا اوصانا بده..فين ده دلوقت..ولمصلحة مين نسمع ان فيه تجمعات للمسيحيين فى اماكن متفرقة..هى دى شطارة..حضراتكم انتم المتضررين اولا واخيرا مش الحكومة ولا البابا..وهناك تفاصيل كثيرة لا داعى لذكرها لعدم طاعتنا للقرارات اللى فى مصلحتنا اولا..ربنا يرحمنا وينور اذهاننا ويشيل الغمة عن اذهاننا وقلوبنا اولا