"بعد إصابة زوجها بكورونا" .. داليا البحيري برعت في تجسيد الأدوار الصعبة .. ملكة جمال مصر السابقة وبسبب تهديدها بالشبشب أثارت غضب العمال

 

كشفت الفنانة داليا البحيرى، عن إصابة زوجها رجل الأعمال حسن سامي بفيروس كورونا التاجي المستجد، وذلك بعدما بينت التحاليل إيجابيته للفيروس، وقالت داليا عبر حسابها على "فيسبوك"، :"أنا حبدأ بألف حمد وشكر ليك يارب، لأن أنا عارفة ومتأكدة إن إحنا عملنا اللى علينا وزيادة، حافظنا وقعدنا في البيت، وعقمنا وطهرنا، وانتقدنا اللي نزل انطلق وأتفسح، وأنا والحمد لله راضية جدا بقضاء ربنا سبحانه وتعالى، حسن جوزي وحبيبي طلع إيجابي كورونا فيروس، ربنا يشفيه ويعافيه يارب".

مضيفة :" إحنا كلنا عملنا مسحات تحليل كورونا، أنا والأولاد، واللي بيساعدونا في البيت، عشان نطمن، لأننا كنا مخالطين لحسن، وبإذن الله نعرف النتيجة بكرة بليل، وربنا يجيب العواقب سليمة يارب، واختتمت :" بقول الكلام ده عشان أى حد لازم يعمل كده، لازم يقول، وبكل وضوح عشان الناس اللي كانت مخالطة ليهم يعرفوا، ويطمنوا على نفسهم، لأن دى أمانة، والمرض مش حاجة الواحد يخجل منها."

 

وطمأنت داليا جمهورها في منشور جديد قائلة :" أحب أطمنكوا جميعا نتيجة المسحات طلعت والف حمد وشكر ليك يارب كلها طلعت سلبية ليا وللولاد كلهم والمساعدين في البيت شكرا يارب علي كرمك ...احب اطمنكوا كمان ان حسن الحمد لله كويس وبيشكركم كلكم على الرسايل والتليفونات بجد حبكم لينا ومساندتكم لينا عندنا بالدنيا وأحلى نعمة من ربنا".

 

في 15 أكتوبر عام 1970  ولدت داليا البحيري في محافظة الغربية  بمدينة طنطا، وحصلت على لقب ملكة جمال مصر عام 1990، واحتلت المركز السابع والعشرون في مسابقة ملكة جمال العالم التي أقييمت في لوس أنجلوس في نفس العام، حصلت على بكالوريوس من كلية السياحة والفنادق، لتعمل مرشدة سياحية، بعد ذلك عملت في تقديم البرامج علي القناة الفضائية المصرية وكعارضة أزياء، شهد عام 2010 اختيارها سفيرة للنوايا الحسنة لمحاربة مرض السكتة الدماغية، لتبدي سعادتها لاختيارها في هذا المنصب كونه دورا أساسيا للفنان.

 

 

خطت عالم التمثيل في عام 2000، وفي ذلك الوقت كان أصبح دخول الممثلات الشابات في السينما المصرية ظاهرة، حيث جسدت دور سعاد في فيلم " علشان ربنا يحبك" للمخرج الكبير الراحل رأفت الميهي،  ورغم أنها كانت ممثلة جديدة إلا أن مساحة الدور كانت كبيرة ، وشارك في بطولة الفيلم  جيهان راتب و أحمد رزق.

 

أصابت داليا نجاحا سينمائيا كبيرا حين شاركت هاني رمزي بطولة الفيلم الكوميدي "محامي خلع" عام 2002، لتواصل بعد ذلك تقديم العديد من الأعمال في السينما و‌التلفزيون ، وتتميز داليا بتجسيد الأدوار المركبة الصعبة.

 

كان لداليا ابنة تسمى خديجة أنجبتها من زوجها الأول ودعت الحياة  بعد 8 أشهر، في 2008 تزوجت للمرة الثانية من فريد المرشدي  لكنهما انفصلا بعد زواج استمر خمس سنوات وتوفي طليقها عام 2014 ، وفي ديسمبر 2016 تزوجت للمرة الثالثة من رجل الأعمال حسن سامي.

 

شاركت داليا في فيلم عمليات خاصة عام 2007 كضيفة شرف، ومن أفلامها : جوبا، زي الهوا، أحلام حقيقة، السفارة في العمارة، كان يوم حبك، الغواص، حريم كريم والذي تألقت فيه وجسدت دورها الكوميدي ببراعة، الباحثات عن الحرية للمخرجة إيناس الدغيدي.

 

فلانتينو مع الفنان الكبير عادل إمام العام الجاري، القاصرات، يوميات زوجة مفروسة، للحب فرصة أخيرة، صرخة أنثى، في غمضة عين، بنت من الزمن دا وغيرها.

 

وكانت أثارت داليا مؤخرا غضب الكثيرين لاسيما العمالة اليومية في ظل أزمة فيروس كورونا التاجي المستجد، حين كتبت عبر حسابها بموقع التواصل الاجتماعي فيسبوك " أنا محبوسة في البيت أنا وأهلي داخلين على 36 يوم وزينا ناس محترمة كتير، ولو لا قدر الله حد فينا تعب مانلاقيش سرير في مستشفى عشان واحد حيوان كان مقضيها خروج بيتفسح ولا كان على باله اللي إحنا فيه".

 

مضيفة :" حظر كامل يا ريس لو سمحت أرجوك، واللي حيقولي العمالة اليومية حديله بالشبشب على بقه أنا فاض بيا! أولا معظم المؤسسات الخيرية .. وبقول معظم مش كل- بدأوا يشحتوا عليهم من قبل ما رمضان يبدأ، فمحدش يقولي مش حيلاقوا يأكلوا، وكتير منهم بنتحايل عليهم يشتغلوا أصلا طول السنة! خلينا صادقين مع نفسنا شوية كدة والنبي! واللي بيشتغلوا في مصانع على عيني وراسي يتعملهم إقامة داخل محل عملهم! غير كدة احنا رايحين في داهية".