ريموندا رؤوف
قبل ما اتكلم فى الموضوع حابه ااكد انى مش دكتوره ولا انا معالجه ولا هقدر استلم مشاكل فى الاتجاه ده بس ممكن اوجهها لاساتذتى الاخصائيين و المعالجين اللى بتعلم منهم.
لكن حبيت الخص الموضوع فى شويه سطور لنشر المعرفه والعلم فى الاتجاه ده
وعشان نحمى من الخطر ده كمان لان الاب والام ليهم دور كبير اوى
سطور عن المثليه الجنسيه :
1- مفيش حاجه اسمها ان الشخص اتولد كده العلم ماكدش على ده خالص ولما اكتشفو جينات الجنس البشرى سنه 2013 محدش لقى جين مسئول عن المثليه الجنسيه نهائى
طبعا البلاد الاجنبيه بتنادى بغير كده وبيقولولك لا ف ناس بتتولد كده وده بدون اسس علميه عشان يحللو جوازات المثليين اللى بيعملوها.
لكن فى حاجه اسمها استعداد وراثى يعنى ايه ؟ يعنى استعداد نفسى للاضطراب ، يعنى الشخص مش بيبقى عنده متانه نفسيه يتحمل الاذى النفسى وبيتعب وبيبقى كده .
لكن ان حاجه جوه الجسم تقول الشخص ده هيبقى مثلى مفيش نهائى .
2- سبب الموضوع ده اضطراب نفسى شديد الشخص بيكون اتأذى نفسيا والاذيه مش شرط الاعتداء الجنسى فى الصغر بس لا ابدا وهو ده اللى يهمنى اشرحه لحضرتك ... ان الطفل لو ولد ممكن يحصله الاضطراب ده نتيجه ان الاب اهمله ومكنش بيديله وقت يبقى معاه ف الولد يتمثل بمامته بشكل كبير ....والعكس مع البنت مامتها تهملها جدا فتتمثل بباباها بشكل كبير ...تتمثل يعنى ايه يعنى تبقى شبهه يعنى من بره هى بنت بس من جواها هى ولد ..... ومش بس الاهمال ..كمان الضرب والعنف مع الطفل او اننا نفضل نقوله ياريتك جيتى ولد مكنتش عايزه بنات
العك ده كله فى التربيه يسبب اضطراب نفسى
ومن الاضطرابات دى ممكن يبقى فى مثليه جنسيه
يعنى الاذيه فى الصغر مش الاذى الجسدى والجنسى فقط
لا يا فندم
3- مفيش دين سماوى يقبل الموضوع ده نهائى كل الاديان تتفق ان الله خلق الانسان ذكر وانثى
وان الانسان دى كلمه مثنى = انس الذكر + انس الانثى= انسان
4- لكن فى نفس الوقت هذه الشخص نعتبره مريض ويحتاج للعلاج ولازم يبقى معاه اب اعتراف فاهم الموضوع كويس جدا وبيوصله بمعالج نفسى للمثليه الجنسيه الموضوع مش توب يابنى واعترف وصلّى وبس...نهائى .....ده شخص اتاذى نفسيا وحصله خلل نفسى رهيب ومهم يتعالج .
5- احنا بنقبل اى حد حضرتك ... مش من حقك اصلا تدين حد....كلنا خطاه ...وكل واحد يركز فى بلاويه احسن بدل ما بيركز على الناس ...بس احنا لا نقبل الخطيه ....يعنى فى كل الحالات لو قابلت هذا الشخص فى حياتك لازم تحبه وتقدره وتوجهه لمعالج متخصص.
6- المجتمعات الاجنبيه للاسف بتعترف ان ده عادى وفى المنهج بيدّو للاطفال اشكال من الاسر فى المنهج الدراسى زى مثلا اب واب مع بعض يكونو اسره
ده خطر ثقافى بيهددنا بس اللى بيحمينا فى مصر اننا مجتمع متدين حتى لو سطحى فى تدينه بس ده ستر ربنا علينا مع ان فى حالات مستخبيه كتير تعبانه وماذيه وحوالينا كتير لكن معندناش احصائيات
7- الحمايه ثم الحمايه لازم نقرا ونفهم عن التربيه الجنسيه كويس جدا وممكن تتابعونا فى مركز كوكب مارمرقس عاملين ابحاث وتدريبات كتير هدفها المتانه والحمايه ووضع حجر الاساس بنلحق المشاكل من قبل ما تحصل يعنى بنعمه ربنا . لكنا احنا غير معالجين ..وممكن نوجهك لمعالج فى حاله وجود اضطراب.
8- اخيرا احمى طفلى ازاى وهو ده اللى يهمنى :
1- ارجوك كون قدوه حسنه لطفلك .
2- الاب وجوده مهم وكتير من المثليين بقو كده بسبب اهمال الاب او عنف الاب ..متخيل وجودك مهم اد ايه ؟
3- الام طبعا دورها مهم وحجر الاساس بس تعرف دورها كويس .
4- الاهتمام بيبدا من الولاده انتو مخلفتوش عشان تاكلو وتشربو وبس ، ده حتى الكلاب بتحب وقت تلعب فيه ما بالك بالطفل.
5- التربيه الجنسيه مهمه زى الاكل والشرب والتربيه الروحيه وليها فروع كتير اقرا واتعلم ارجوك عشان طفلك يقدر يحمى نفسه الموضوع مش بس انى اقوله محدش يلمسك ، دى كلمه تافهه سامحونى ولا تعنى له شىء سوا مجرد امر ملوش لازمه لازم تدخل للعمق .
6- متكونش انت سبب جروح طفلك اللى ممكن تدخله فى اضطرابات مختلفه بعد كده .
7- نفهمهم ان سر الزيجه المقدس فى كنيستنا المقدسه هو رجل + امراه زى بابا وماما ناكد على ده.
8- ناخد بالنا من الميديا ..الواتس اب نفسه موجود عليه اموشنز ( اب +اب=طفل) ( ام +ام =طفل)
9- اى حد معرض للاضطراب واحنا ماشيين برجمه ربنا بس لو اكتشفت حد بلغه ان فى امل فى العلاج والكنيسه فاتحه ان مراكز علاجيه كتير
10- كفايه ندفن راسنا فى الرمل الشيطان بيتطور بصوره سريعه ويستغل ضعفنا البشرى محتاجين نتطور احنا كمان بالمعرفه وبتمسكنا بربنا والهنا يسوع المسيح عشان يينورنا ونستخدم المعرفه صح نقدر نحارب بيها الجهل .
11- كل حد من اصحابى اللى بخدمهم وبيشوف البوست ده :
1- اعرف حبيبى ان المعرفه مهمه بس المهم تاخد المصدر من كنيستك حبيبتك واى حاجه خدامتك ريموندا تحت امرك.
2- اى سؤال ييجى من حقك تسأله واللى يقولك مش وقته سيبه وتعالى للكنيسه تفهمك وتفهمه.
3- اعرف حبيبى ان العيله المقدسه هى العيله اللى ربنا خلقها وبنعمل زيها ( ادم + حواء= اطفال ) (رجل +امرأه = اطفال) هى دى الانسانيه وهو ده شكل الاسره الصح .
4- لو انت بتحس باى شكل بانك قليل او مش عندك ثقه فى نفسك او مش عادى او اى مشكله نفسيه لازم تبلغنا عشان نبقى جمبك ونساندك .
5- اعرف ان ربنا مش بيخلق حد تعبان نفسيا بس احنا بنتعب بسبب الاخرين وده لان ربنا مدينا حريه اراده وللاسف ممكن ناذى بيها غيرنا طبعا ربنا مش بيقبل التصرف ده بس ف نفس الوقت ربنا قرر حريه الانسان بس احنا بايدينا اننا نتعافى وبادينا نقرر نخف ونبقى احسن من الاول دى ممكنه وبادينا.
اخيرا :
باكد ان ده سطور بسيطه فى الموضوع ولمحه خفيفه جدا جدا عشان التوعيه فقط وانى لا دكتوره فى الموضوع ولا معالجه مجرد باحثه ودارسه ومدربه كورسات للتوعيه فقط وبحاول اوصلك الموضوع ببساطه بنعمه ربنا عشان اوصل لهدفى وهو #تربيه_مسيحيه_ايجابيه.
