كتب – محرر الاقباط متحدون ر.ص
قال الناشط الحقوقي محمد السماك، ان التنمر مش هزار أو خفة دم أو يندرج تحت حرية الرأي والنقد التنمر جريمة خطيرة ممكن توصل للانتحار.
ونشر صورة لفتاة عبر حسابه على موقع "فيسبوك"، وعلق عليها قائلا :" البنت القمر دي اسمها (ياسمين ياسر) من الزقازيق، ضحية جديدة من ضحايا التنمر ياسمين مدونة مصرية دايما بتتكلم عن الحجاب والملابس الواسعة وكل مواضيعها محترمه ومش بتربطها بدين أو سياسة.
وتابع :" مع الوقت ياسمين اتشهرت وطلعت في برامج وبقت من أشهر البلوجر المختمرات في مصر وطبعا كانت لازم تدفع ضريبة النجومية والتقدم من الرعاع الساقطين بالتنمر عليها والاستهزاء والسخرية منها (وسع للنجمة-أنتي فاكرة نفسك نجمة بجد-أوعي تصدقي نفسك-وتريقه علي جسمها ووزنها-أو تقليل من أي حاجه تقولها.
لافتا :" ولان ياسمين حد طيب وحساس اكتئبت بسبب كلامهم ومع زيادة حملات التنمر والسخرية زاد تعبها لدرجة إنها وصلت الأن لمرحة من العجز عن المشي أو إنها تقف علي رجلها وممكن العلاج علي المدى الطويل يجيب نتيجة وممكن لا، ياسمين طلعت منهاره تقول ده وتعاتبهم لأن أصلها جميل ولكن مسلمتش برضوا من كائنات معدومة الإنسانية، إتهموها إنها بتكذب عشان تعمل شو ووصلوها إنها في عز إنهيارها تعرض لهم التحاليل.
مضيفا :" متعودين إن التنمر بيكون بسبب إن الملابس مش متوافقة مع تدين شعبنا أو مش محجبة أو إن المحتوي بيكون مش حلو او مختلف سياسيا او دينيا أو مقدمه بيكون مش جميل بالمعايير النسبية لكل واحد، لكن ياسمين عملت اية هي فعلا حد كويس بجد حزين علي الي وصلت ليه من كمية الأذي الي شافتها من ناس مريضه قلوبهم مليانه كره وسواد،أنا اسف ليك جدا يا ياسمين وبتمني ليكي الشفاء."
