كتب - نعيم يوسف
وجه الإعلامي باسم يوسف، رسالة إلى الداعية الإسلامي عبدالله رشدي، بعد تصريحاته الأخيرة التي برر فيها التحرش بالسيدات.
وقال "يوسف"، في الفيديو الذي حمل عنوان "حوار هادئ مع فضيلة الشيخ": "الست مش مصاصة ولا عربية مفتوحة، ولا بطيخة مشقوقة بيتلم عليها الدبان ومش برتقالة متقشرة، ولما تشبها بكدة فإنت بتنزع عنها آدميتها.. ويجعلها جماد.. وده تحقير للمرأة وهي من حقها تحس بأمان".
وتابع الإعلامي الساخر: "عارف يا سيدنا الشيخ أتباعك بيكرروا اللي انت بتقوله.. ولكن مفيش أي سبب للتحرش إلا المتحرش بس.. الشهوة والست والملابس ليست أسباب.. وانت عارف إن الكلام اللي بتقوله ده مش صح، لأن لو انت أو أحد أتباعك في دولة خليجية أو أوروبية وقدامه ست قالعة مش هيقدر يقربلها علشان هيخاف من القانون اللي هيبدهله.
وأضاف: "انت بتحقر بنات بلدك وبتدي رخصة للناس أنهم يتحرشوا بيهم، انت بتعمل وعي ليهم إن الست المصرية مستباحة.. علم أتباعك يا سيدنا الشيخ أنهم أحسن من كدة.. انت بتخلق وحوش وتسيبهم على أساتذتك في الأزهر ودار الإفتاء عندما يقولون إن الفتاة ليست لها أي ذنب في التحرش"، لافتا إلى أنه يتم التحرش بالأطفال والفتيات المراهقات الصغيرات رغم أنه لا يوجد مبرر للتحرش، معقبا: "أنت قاصد تعمل تريند يسيء للدين والأزهر، زي ما اتكلمت على مجدي يعقوب، وعايز دايما تبقى مختلف عشان تفضل في الأخبار".
