كتب – محرر الاقباط متحدون ر.ص
تحدث الناشط الحقوقي محمد السماك، عن واقعة توزيع زوج صورا فاضحة لزوجته على معارفها كونها طلبت الطلاق.
وكتب "السماك" عبر حسابه على "فيسبوك"، قضية شرف / دياثة :لو فاكر ان الدياثة هي مصطلح لكل إنسان غير متسلط او متحكم في زوجته وبيديها حريتها يبقي انت مغفل الدياثه هي إنسان بيشهر بأهل بيته الدياثه هي #أحمد_سامي_عنب والقصه بإختصار ان البنت الجميلة دي اسمها (هدير حامد) 25 سنه وأم لطفلة عمرها سنه.
وتابع :" هدير حصل خلاف بينها وبين زوجها وأي كان سبب الخلاف فهي طلبت الطلاق ولكنها اتفاجئت بعد طلبها برسائل من أصدقائها بيقولولها أن سامي عنب (والد زوجها) وزوجها بعتوا ليهم رسائل بصور شبه عارية لهدير بقمصان نوم والي عرفت بعد كده أن الديوث عديم الأخلاق والإنسانية جوزها هو اللي عمل كده كوسيلة ضغط حقيرة عشان ترجع عن طلبها.
مضيفا :" واحد زي احمد بتفكيره ده والي كبر وأتربى عليه عمل كده مع كام واحده من قبل، كام واحده وثقت فيه وهددها بعد كده بصورها عشان يبتزها لحد ما بقي طبع فيه وحتي مراته عمل معاها كده، وبكل بجاحه وانعدام تربيه يرد ابوه ويبرر جريمة ابنه ويقول "كان بيثأر لكرامته المهدرة" وحقيقي مش فاهم اي كرامه مهدره بعد تشهير ابنه بعرضه، إنسان غير سوي ربي ابن غير سوي مستني ايه يحصل، مجاش في باله انه بقي أب ومسؤل.. طب هيقول ايه لبنته لما تكبر.. هيقولها أنا خليت صور ماما الحميمية علي كل فون.
وواصل غاضبا :" لا ومن فجره طبع صورها ولصقها في شارعها وطريق شغلها.. ربو أولادكم عشان المزبلة اللي بقينا فيها دي، إيه هي معايير الشرف والكرامة والأخلاق عندكم، بتمني زي ما الدنيا أتقلبت علي الزوج اللي دبر فضيحة لزوجته عشان يطلقها وماتت وزي ما أتقلبت علي المتحرش احمد بسام زكي.. تتقلب علي معدوم الشرف والإنسانية #الديوث_أحمد_سامي_عنب."
