أرمنيوس المنياوى
لولا وظيفتي كإعلامي لكنت أغلقت كل وسائل التواصل الإجتماعي لكثرة ما أراه من كم الأكاذيب والهري على الفيس ..فيه ناس لا عاجبها العجب ولا الصيام في رجب ..قاعدين على الفيس ينتقدوا ويلعنوا كل شيئ وعندما تسأل عنه إما عاطل أو موظف ولايعمل في شغله كما يجب وماشي على طريقة خالف تعرف أو خالف تتنيل وتنيل معاك الآخرين.
قاعدين يهيلوا التراب على كل شيئ وهو لايضيفوا شيئا لبيوتهم مش هقول لبلدهم ..لو موظفين قاعد يسأل عن الحوافز والمكافآت والرواتب دون أن يعمل أو يؤدي عمله كما يجب وانا من رأئي ضرورة تعديل هذا الأمر تماما ..يحصل على الحوافز من يعمل ويحصل على الأرباح من يحقق مكاسب ..عيب اوي على أي مسئول ولاسيما في الكهرباء والبترول والضرايب والذي منه تبقي هيئات كهرباء وبترول بتخسر وتوزع أرباح دي مش قلة ادب وبتخلق في الناس التنبلة وتحويل الأمر الي حق مكتسب ..الناس دي لازم تتربي وتتعلم من جديد ..
البلد لم تعد مثلما كان الحال زمان أو من ٢٠ سنة مضت ولا البيوت كمان ..الأمر اختلف ولم تعد القري هي القري ولم تعد المدينة هي المدينة ..مرحلة التنبلة انتهت وعلى الدولة أن تتعامل في هذا الشأن بمنتهي القوة والا فإننا مقبلون على كارثة تفوق كوارث الحروب . . الناس لازم تشتغل وتعمل وتبحث عن شغل خاص وتؤدي بأمانة بلا سرقات في الوقت والمال ..قاعدين تاكلوا من قته محلولة ومنتظرين الحكومة تعملك كذا وكذا وهي ماما وهي بابا ..ده عصر انتهي غصبن عن عين الدولة والحكومة لازم تشتغل وتعمل عشان تاكل ..لم يعد لدينا بديل اما العمل أو الكارثة لكن التنبلة اللي انت وهو فيها وقاعدين استغلوا سياسة ومنتظر الحكومة تاكلك وتلبسك مش هيحصل ده ولا الحكومة لديها القدرة على ده .
قاعد على الفيس تلعن الانتخابات والناس والقايمة والفردي ولا عاجبك حاجة ومقولتليش بتشتغل ايه ولا بتنتج ايه ..يا اخي جتك نيلة على ده تربية ودي تنبلة..لو بديت بنفسك مكنش ده يبقي حالنا ...لو حبينا بعض وكل واحد ركز في شغله مكنش ده يبقي حالنا..وفي الاخر تظهر لدينا خونة وقاعدين يأكلوا في لحم المصريين الشرفاء وقاعدين يسبوا في الجيش والشرطة والبلد ويشجعوا الإرهابي اللي عدو مصر أردوغان..حد شاف وساخة أسوا من كده واللا لو واحد تركي شتم أردوغان انا هحتقره لأنها خيانة .
ناس واقفة على خزينة القبض تقبض وتشتم في الرئيس ومصر والأجهزة المعنية نايمة ..النموذج اللي زي كده خسارة فيه لقمة العيش من مصر....حتى الخونة قاعدين ومتربعين وبياخدوا حوافز ويشتموا مصر ويهينوا جيش مصر وشرطة مصر امام مراي ومسمع كل المصريين بما فيهم الأجهزة المعنية بحماية الأمن الوطني للبلاد ..الناس لازم تشتغل وكل منا يشوف حاله ..لن تتقدم البلاد دون عمل ..كله في مصر اشتغل صحفيين واعلاميين وأطباء ولاعيبة كورة وسياسيين اومال مين هيشتغل عامل ولا مزارع ..ايه الفوضى المدمرة اللي عيشتونا فيها ..طبقوا القانون على كل من يخطئ ...الناس زمامها فلت عايزين وعايزين ومش شغالين . ده طبيعي بالذمة
