كتب – سامي سمعان
رد الدكتور هاني الناظر، رئيس المركز القومي للبحوث الأسبق، على المشكيين فى أعداد إصابات فيروس كورونا التى تصدرها وزارة الصحة بشكل يومي.
وقال "الناظر" على صفحته على فيس بوك، "حضرتك مش مصدق بيان وزارة الصحة بانخفاض حالات الإصابة الجديدة بشكل كبير يوم بعد يوم والنهاردة ٢٣٨ فقط والوفيات أول مرة ٢٩ وكمان مش عاجبك تفاؤلي وطمأنتي للناس كل يوم مع انه مبني أساسا علي حقائق علمية وأرقام واقعية ومش مصدق كلامي ان المرض بدأ فعلا في الانحصار وخلال فترة قصيرة جدا بإذن الله مصر تعلن قهرها المرض".
وتابع رئيس المركز القومي للبحوث الأسبق، "طيب سيادتك مش مصدق كمان الموقع الإنجليزي الأشهر عالميا BBC اللي مستحيل المستحيلات يجامل مصر ولو بكلمة ..اتفضل شوف النهاردة وهو بيعلن الانخفاض الكبير في حالات كورونا في مصر ..تعالوا نتقي الله وكفاية تشكيك ونفرح ان بلدنا مصر الجميلة نجحت في التعامل مع الوباء وتستعد للاحتفال الكبير قريبا جدا بمشيئة الله".
