كتب – محرر الاقباط متحدون ر.ص
تحدثت الكاتبة حنان أبو الغار، عن قضية التحرش والعنف ضد الإناث، لافتة :" عارفين المشكلة فين؟ المشكلة أعمق كثير من التحرش و العنف ضد الأضعف بالرغم من أنهم كوارث و عار، المشكلة في قناعتنا ان "كل إنسان يمتلك جسده".
وتابعت عبر حسابها على "فيسبوك"، فتح باب النقاش في "القبول" “consent” و ان القبول ده شرط إقامة أي علاقة حتى لو في إطار الزوجية حيفتح على المجتمع ده أبواب جهنم و كله عارف كده، كله عارف ان لو عملنا دراسة ميدانية و استبيان يسال "هل لو الزوجة رفضت معاشرة زوجها و هو فرض عليها المعاشرة بالضغط النفسي أو التهديد أو الإجبار بالقوة تعتبر هذه جريمة اغتصاب أم لا؟" القانون و المجتمع حيقول لا.
كما لفتت :" طبق ده على ٨٦٪ من نسائكم قطعتوا لهم أجسادهم لمنع المتعة (لا يرحموا و لا يخلوا رحمة ربنا تنزل ) و شوف النتيجة حتكون تأثيرها إيه على العلاقات بين الزوجين مهما حبوا بعض و بالتالي على الأسرة كلها.
واختتمت :" أفيقوا و اعدلوا يرحمكم الله إحنا في زمن جائحة محدش عالم حيوصلنا لأيه كل مجتمع لازم يفتح جراحه و يعالجها .
