نشطاء على تويتر للأسواني: كله بيسقط في اختبار المبادئ وفقدت مصداقيتك للأبد

الأحد ٢٧ مايو ٢٠١٢ - ٤٨: ٠٣ م +03:00 EEST

حجم الخط :

كتبت: أماني موسى

أستنكر عدد من الشباب والنشطاء على موقع التواصل الاجتماعي "تويتر" دعم الأسواني لمرشح الجماعة "مرسي".

وتساءل أحدهم: أستاذ علاء الأسواني... أزاي تقول انتخاب أبو الفتوح ودعم السلفيين سيحولنا لأفغانستان.. والآن تطلب من الناس مساندة مرسي؟!...أين المبادئ؟

وأخر يقول: الكوميديا بقي أمبارح يقولك علاء الأسواني بيدعو الكل لانتخاب مرسي ضد شفيق والفلول،،، أنا شايف المبادرة دي اسمها "انجدووووني".

وتهكم آخر قائلاً: مصدر يؤكد: علاء عبد الفتاح و علاء الأسواني شوهدوا في مستشفى العباسية لابسين تيشيرتات عليها صورة مرسي و يهددان بإحضار كوريك.

وتساءل آخر: هل تحول أكونت الأسواني على تويتر لأكونت حزب النور السلفي؟!

بينما علق آخر: الأسواني استلم الشعلة من عصام سلطان،وبالعند فيكوا شفيق هيكسب الانتخابات.

وعدد من التعليقات الساخرة ومنها:

* هو علاء الأسواني عنده إسهال ولا حاجة يا جماعة ؟؟!؟ طمنوني.. موضوع شفيق دة تعبه أوي.... كل شوية تويتة!!! إسهاااااااال! مالك يا كابتن.

*قال بيقولك زمان المخابرات بتضحك على اللي بيحصل...لا وحياتك ده زمان مكتب الإرشاد مدلوق ع الأرض من الضحك لما عرف إن علاء الأسواني بيدعم مرسي‎.

*عوض عليا عوض الصابرين يارب! علاء الأسواني لسع! شفيق إيه اللي عايز يناظره! ياكش يكون فاكر إنه مشى شفيق الأول! المناظرة في صالح شفيق ارحمونا.

*لو كان الأغبيا للي زى علاء الأسواني وجمال عيد مزايدوش وتجاوزوا الاختلافات كان زماننا كسبانين، دلوقتي بيجروا عالمرشد.

*علاء الأسواني دا شغال أيه يعني ؟!! بيبيع إيه صنعته إيه !! ماذا فعل لة الفريق أحمد شفيق لكي يشوه صورته بهذا الشكل؟

*بلال فضل والآن علاء الأسواني!...كله بيسقط في اختبار المبادئ..الناس دي كتبت نهاية مصداقيتها إلى الأبد.

تابعونا على صفحتنا علي الفيسبوك
رابط دائم :

تقييم الموضوع :

الأقباط متحدون